Երեքշաբթի 19.10.2021 13:35

10.08.2021   12:00
880

Իշխանության ամորֆ, անմեղսունակ բուրգը


Չենք ուզում կրկնել տափակ դարձած այն միտքը, թե ամեն ժողովուրդ արժանի է իր կառավարությանը, թեպետ արդեն կրկնեցինք: Ուզում ենք պարզապես ցույց տալ հայաստանյան իշխանական բուրգի կառուցվածքը: 

1.    Բուրգի գագաթին՝ առաջին տեղում, Նիկոլ Փաշինյանն է: Նա ժամանակին լրագրող էր, հետո՝ ընդդիմադիր գործիչ, որը շատ արագ դավաճանեց 2008-ի շարժման ընկերներին: Իշխանության գալուց հետո հայտարարեց, որ գաղափարախոսություն չունի, որ ժողովրդի ծառան է: Շատ արագ հագավ Սերժ Սարգսյանի համար կարված կոստյումը և… Երկիրը նետեց պատերազմի ճիրանների մեջ, պարտվեց, հետո էլ չքմեղացավ, թե միայն մոդերատոր է եղել: Այնինչ իրականում անսահմանափակ իշխանություն ունի: Պարտությունից հետո ոչ միայն չի ուզում հեռանալ, այլև ավելի ամուր է տեղավորվում աթոռին:

2.    Գագաթին մոտ՝ երկրորդ «հորիզոնականում» են մարդիկ, որոնք նրա հետ «քայլել են»: «Քայլել» բառը փոխաբերաբար հասկանանք:  Այսինքն՝ այս մարդիկ՝ Արայիկ Հարությունյան, Ալեն Սիմոնյան, Սուրեն Պապիկյան, Լիլիթ Մակունց և այլք, վարչապետի մտերիմներն են, նրա հետ տիրապետում են ինչ-որ տեղեկությունների, որոնք հասու չեն սովորական մահկանացուներին: Սրանք թիմակիցներ են, որոնց փոխադարձ հավատարմության հիմքը շատ նման է հանցակիցներին կապող «գաղտնիքին»:

3.    Երրորդը  Նիկոլ Փաշինյանի երկրպագուներն են, որոնք գուցե անկեղծորեն վստահում են իրենց կուռքին, պատրաստ են արդարացնել նրա յուրաքանչյուր քայլը՝ առանց վերլուծելու: Թեպետ կարծում ենք, որ հոգու խորքում լավ էլ գիտակցում են, որ առանց առաջնորդի իրենք զրո են կամ ուսապարկ, ուստի հավատարմությունը, հավատը այնքան էլ անշահախնդիր չեն:

4.    Չորրորդ և ամենաբազմամարդ տեղում են քծնող-հարմարվողները, այսինքն՝ առնետավազքի արդյունքում ՔՊ-ում կամ կառավարությունում հայտնված անձինք: Հարմարվողները միշտ եղել են և կլինեն իշխանության կազմում և իշխանությանը մերձ շրջանում, որովհետև նրանց միակ նպատակը փող «աշխատելն» է: Նրանք շուտ են կողմնորոշվում, ինչպես արեցին ՀՀԿ-ն 2018-ի մայիսին լքածները: Ահա նրանցից ոմանք հունիսի 20-ին նորից դարձան «արժեքավոր» պատգամավորներ: Կողմնորոշվեցին նաև մեր բիզնեսմենները՝ Խաչատուր Սուքիասյան, Գուրգեն Արսենյան և այլք: Հասկացան, որ Նիկոլն օգտակար է իրենց բիզնեսի համար: Կողմնորոշվեցին ԲՀԿ-ի և այլ կուսակցությունների անդամներ, և ահա նախկին ԲՀԿ-ական Սերգեյ Բագրատյանը նիկոլականներից ավելի նիկոլական է: 

Այս խմբի անդամներից ոմանք ինտելեկտով առանձնապես չեն փայլել երբեք, սակայն հանուն իշխանության Նիկոլին երկրպագողների մեջ կան նաև այնպիսիները, որոնք հիմա ստիպված են մի քիչ տկարամիտ ձևանալ՝ ցանկալի պաշտոնը չկորցնելու համար: Այդպիսին են, օրինակ, ՀԱԿ-ից պոկվածները:

Ահա մոտավորապես սա է մեր իշխանության կառուցվածքը: Այն բնույթով ավտորիտար է, գաղափարապես՝ սնանկ, իսկ եռամյա գործունեության արդյունքը պարտությունն է, ջախջախված բանակը և վերակենդանացած նախկինները: 

Ինչպե՞ս չհիշենք Հովիկ Աբրահամյանի հայտնի արտահայտությունը, թե քաղաքականությամբ զբաղվելու համար մեծ խելք պետք չէ: Կարող ենք ասել՝ այն ընդհանրապես պետք չէ, այն էլ՝ Հայաստանում:

Վերջում ձեր ուշադրությունը հրավիրենք մի հետաքրքրական հանգամանքի վրա: Առնետավազքի մասին խոսելիս մեր լրագրողների և վերլուծաբանների ուշադրությունը հատկապես բևեռված է ՀԱԿ նախկին անդամների կամ համակիրների վրա: Գիտե՞ք՝ ինչու: Որովհետև այս կուսակցությունն է ցայսօր թե՛ նախկինների, թե՛ ներկաների գաղափարական և ինտելեկտուալ հակառակորդը: Ուստի թե՛ նախկինները, թե՛ ներկաները ջանք չեն խնայում այստեղից բեկորներ պոկելու համար: Որովհետև պետք է ոչնչացնեն միակ ուժը, որ ցույց է տալիս իրենց սնանկությունը: Սակայն սա սարսափելի չէ: Սարսափելին իշխանավորների անմեղսունակությունն է Հայաստանի համար ճակատագրական ժամանակաշրջանում:

Զարուհի Գաբրիելյան



 Պիտակներ

         Զարուհի Գաբրիելյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները

Գույժ
Գույժ
16.10.2021 / 9032




























Հերքում
Հերքում
12.10.2021 / 1401

Պողոսի երազը
Պողոսի երազը
12.10.2021 / 1321