Հինգշաբթի 05.08.2021 13:02

26.06.2021   10:00
1349

Ժապավենազարդ մուրճի պաշտպանները

 Читать на русском

Խորհրդարանական ընտրություններին մասնակցող կուսակցությունների և դաշինքների մեծ մասի գործառույթը բանականության դեմ պայքարն էր: Բոլորը միասին ապահովեցին նախընտրական կակաֆոնիան, բոլորը միասին ձգտեցին լռեցնել բանականության ձայնը, մարել ողջախոհության ճրագը: 

Մի քանիսն անթաքույց ստանձնել էին ժապավենազարդ մուրճի դատապաշտպանների դերը: Ընդ որում, Փաշինյանի արբանյակները, հատկապես Բաբաջանյան-Շիրինյան դաշինքը, Արամ Զավենի Սարգսյանի կուսակցությունը, Քաղաքացու որոշումը դիրքավորվել էին որպես արևմտամետ ուժեր: Սակայն իբր արևմտյան արժեքներ դավանող այս մարդկանց բնավ չէր հուզում վարչապետի պաշտոնակատարի մեղմ ասած ատելության հռետորաբանությունը: Ուստի նրանք կարող են արժանանալ ժապավենազարդ մուրճի փայտե ասպետների կոչման:

Առանձնացնենք երկու «գաղափար», որ սրանք մատուցում էին հանրությանը.

1.    Ներքին քաղաքականության ասպարեզում շեշտը դնում էին 2018թ. «հեղափոխության» արժեքների վրա՝ մի թեթև քննադատում էին իշխանությանը նախկիններին չպատժելու համար: Դրանով, անշուշտ, ամրապնդում էին Փաշինյանի դիրքերը: 

2.    Պատերազմի և պարտության պատճառները փնտրում էին դրսում՝ Ռուսաստանում՝ արդարացնելով ազգակործան պատուհասին:

3.    Անթաքույց պայքարում էին Լևոն Տեր-Պետրոսյանի դեմ, որովհետև նրա և նրա կուսակցության առաջ քաշած բանական խոսքին հակադարձելու ոչինչ չունեին: Այսպես, ՔՈ կուսակցության առաջնորդ Ս. Սահակյանի հիմնական «առաքելությունը» ՀՀ առաջին նախագահին կծմծելն էր: Օր.՝ նա պնդում է ոչմիթիզականների հնամաշ թեզը, թե ՀԱԿ-ը մեր իրավունքներն էր զիջում, իսկ «ՌԴ դեսպանն ամիսը մեկ հյուրընկալվում է» Նախագահի մոտ… Մեր ընթերցողներին հիշեցնենք, որ ՀՀ առաջին Նախագահը պարբերաբար հանդիպում է նաև արևմտյան տարբեր երկրների դեսպանների հետ: Հիշեցնում ենք մեր ընթերցողներին, ոչ թե Ս. Սահակյանին, որովհետև սույն պարոնը միայն Ն. Փաշինյանին ձեռնտու հիշողություն ունի: 

Եվ Ն. Փաշինյանն օգտագործում էր նրանց:

1.    Նախ պատերազմի մեղքից «մաքրվում էր», ապա ռևերանս էր անում Արևմուտքին՝ իր արբանյակների միջոցով:

2.    Մինչ Արամ Սարգսյանը, Արման Բաբաջանյանը, փրփուրը բերաններին, պայքարում էին ՀԱՊԿ-ի և Ռուսաստանի դեմ, իսկ Լևոն Շիրինյանն ու Սուրեն  Սահակյանը՝ Լևոն Տեր-Պետրոսյանի դեմ, ինքը՝ մուրճով վարչապետի պաշտոնակատարը, հասարակ ժողովրդին հանգստացնում էր նրանով, թե ռուսական սահմանապահները շուտով կկանգնեն Սյունիքում և Գեղարքունիքում, և մեր անվտանգությունն ապահովված կլինի: Բա՞, իսկ դուք ասում եք ինտելեկտուալներ, էլ չգիտեմ ինչ: Հիմա ապուշն ո՞վ է: Նա՞, ով ճշմարտությունն է ասում, թե՞  նա, ով փորձում է ֆռռացնել բոլորին…

3.    Ի դեպ, սույն արևմտամետները չէին նկատում Փաշինյանի ռուսամետությունը: Հակառակը, այդ «ծանր մեղադրանքը» ներկայացնում էին ՀԱԿ-ին՝ պնդելով, որ 30 տարի մեր քաղաքականությունը սխալ ուղղությամբ է գնացել, դե իսկ սխալի հիմնադիրը Հայաստանն անկախացնող ուժի ղեկավարն է՝ Լևոն Տեր-Պետրոսյանը: Սրանց տրամաբանությունը տիկ-տոկի մակարդակի է, ոչ ավել: Ուստի լուրջ պատասխանելու կարիք ուղղակի չկա: 

4.    Եվ վերջապես, թմբկահարելով նախկինների անպատժելիության գաղափարը՝ բորբոքում էին հասարակության մի մասի վիրավորված զգացմունքները՝ Ն. Փաշինյանին հնարավորություն տալով բոլշևիկյան մուրճով ձայներ շահելու:

Ընտրություններից հետո նրանք սեղմեցին Ն. Փաշինյանի ձեռքը և խոստում ստացան, որ պարգևատվելու են:

Այսինքն՝ Ն. Փաշինյանը նրանց վարձահատույց կլինի՝ ինչ-որ մեռելածին մարմին ստեղծելով ՀՀ հարկատուների հաշվին: Հեռու գնալ պետք չէ: Հիշենք Ռոբերտ Քոչարյանի նախագահության առաջին տարիներին կազմավորված Քաղաքական խորհուրդը, որ ուներ բաժիններ և ենթաբաժիններ: Իհարկե, այն շատ կարճ կյանք ունեցավ: Նույնն էլ սա է լինելու:

Զարուհի Գաբրիելյան

Հ. Գ. Ցավոք, ՀԱԿ-ը, ըստ պաշտոնական տվյալների, վաստակեց 1,5 տոկոս ձայն: Այնուամենայնիվ, շնորհակալ ենք Լևոն Տեր-Պետրոսյանին և Կոնգրեսին, որ մեզ հնարավորություն ընձեռեցին քվեարկելու: 
              



 Պիտակներ

         Արամ Սարգսյան, Սուրեն Սահակյան, Զարուհի Գաբրիելյան, Նիկոլ Փաշինյան, Արման Բաբաջանյան, Լևոն Շիրինյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
































37-ի երկրպագուն
37-ի երկրպագուն
07.01.2021 / 7097