Ադրբեջանական լրատվամիջոցները հայտնել են, որ Բաքուն Ստեփանակերտում պարետ է նշանակել ոստիկանության գեներալ-մայոր Սարդար Սաֆարովին։
«ՉԻ». Սա պարզապես կարելի էր ընդունել ի գիտություն, Նիկոլ Փաշինյանի պես, պարզապես այս պատմության հետ կապված մեծ աղմուկ է բարձրացրել:
Պատճառն այն է, որ մեր գործընկերներից մեկը օրեր առաջ որպես կայացած փաստ գրել էր, թե Ստեփանակերտի պարետ է նշանակվել Սարգիս Գալստյանը: Որից հետո մի ամբողջ տեքստ էր նվիրել Սարգիս Գալստյանի անցյալին, ներկային ու ապագային:
Բնականաբար, հանրությունն էլ մի քանի օր է, անիծում էր այդ Սարգիսին: Ու հիմա պարզվում է, որ այդ մարդն ընդհանրապես կապ չունի այս ամենի հետ: Բայց հազարավոր անեծքները մնում են ուժի մեջ:
Այժմ Սարգիս Գալստյանի վերաբերյալ տեղեկությունը տարածած անձի դեմ դատական հայց է ներկայացվել:
Դրա համար չարժե մի քանի լայքի համար սենսացիոն լուրերի ետևից ընկնել: