ԱԺ ԲՀԿ խմբակցության պատգամավոր Գևորգ Պետրոսյանը «Առավոտի» հետ զրույցում ասել է. «Նիկոլ Փաշինյանին կողքից հուշում են իր ընտանիքի իգական անդամները, թե ինչ անի, ինքն էլ անգիտակցաբար անում է և խայտառակում է իրեն»:
«ՉԻ». Վիճակն այսպիսին է, հարգելի ժողովուրդ: Ունենք բարոյալքված իշխանություն, բայց ունենք նաև բարոյալքված ընդդիմություն: Իրար լավ փոխլրացնում են:
Վերջին 20 տարվա քաղաքական դաշտի մակարդակն ու նկարագիրը խտացված են Գևորգ Պետրոսյանի այս արտահայտության մեջ: Սպասել, որ սրանք կարող են գիտակցված երկու խոսք ասել, անիմաստ է: Սրանք այն մարդիկ են, որոնք ղազագրեր էին գրում, մոր քֆուր ուտում, մենակ թե պատգամավորական մանդատ ստանան:
Նիկոլ Փաշինյանին քննադատելու պատճառները ծովից ծով Հայաստանից շատ են, բայց սրանց տկար միտքը միայն Նիկոլի ընտանիքի անդամների վրա է պատում: Բացատրես, չեն հասկանա, որ քաղաքական բանավեճում, քննարկումներում, հրապարակային ելույթներում պետք է փաստարկներով, հիմնավորված խոսես, ոչ թե Մարգուշ ծյոծյայի կարգի բամբասանքներ շաղ տաս: Հետո էլ խոսում են ազգային արժանապատվությունից, ավանդույթներից, ընտանիքի սրբությունից:
«Չորրորդ իշխանություն», թիվ 38, 2020