«Հարգելի քաղաքացիներ, ցանկանում ենք ձեզ տեղեկացնել, որ բազմաթիվ մարդկանց խնդրանքով Գագիկ Ծառուկյանի նկարով ԱՆՎՃԱՐ շապիկներ կտրամադրենք այն անձանց, ովքեր կգրեն և կցանկանան: Հարգանքներով ԲՀԿ ԵՄ Զեյթունի խորհուրդ»:
«ՉԻ». Ընտիր և գովելի նախաձեռնություն է, իսկապես ժողովրդահաճո: Իզուր չեն ասում, որ այս ուժը իր ժողովրդի կողքին է: Ի վերջո, շոգ է, հագուստը շուտ-շուտ փոխելու կարիք կա, և ինչպես բազմիցս է եղել, ԲՀԿ-ն կրկին շտապում է օգնել ժողովրդին:
Առաջարկում ենք զարգացնել նախաձեռնությունը. Գևորգ Պետրոսյանի երաժշտական կատարումներով ու բանաստեղծությունների տողերով երաժշտության և հայոց լեզվի տետրեր տպագրել:
Նաիրա Զոհրաբյանի նկարով նկարչության ալբոմներ, որոնցում առաջին դասարանի երեխաներն իրենք կգունազարդեն նկարները:
Միքայել Մելքոնյանի դեմքով քննական գրքույկներ. ուսանողներն արագ կհասկանան՝ որ քննությունը՝ ինչքանով:
Տիգրան Ուրիխանյանը միանշանակ պետք է պատկերվի ալկոգելների վրա:
Գյուղացիներին բաժանվող սերմացուի ու տուկի թելի վրա անպայման պետք է լինի Հովիկ Աբրահամյանի բարեկամուհի Կարինե Պողոսյանի նկարը:
Իսկ ֆեյքերին առաջարկում ենք պրոֆիլի նկար դնեն միայն Վահե Էնֆիաջյանի նկարը: Այդպես հեշտ կգտնեն միմյանց: