Նաիրա Զոհրաբյանը ֆեյսբուքի իր էջում գրել է. «ԳԵՐԵԶՄԱՆ ՉԵՍ ՈՒՆԵՆԱԼՈԻ ԴԱՎԱՃԱՆ։
ՍԵՐՈՒՆԴՆԵՐԴ ՊԻՂԾ ՄԱՐՄԻՆԴ ՏԵՂԻՑ ՏԵՂ ԵՆ ՏԱՆԵԼՈՒ, ՈՐ ՀԱՅԸ, ՈՒՄԻՑ ՀԱՅՐԵՆԻՔ ԳՈՂԱՑԱՐ՝ ՉՊՂԾԻ»։
«ՉԻ». Հիմա այս կինն ինչո՞վ է տարբերվում սոցիալական ցանցերում հայհոյող այն կանանցից, որոնց ինքն անվանում է զոմբի կամ մեկ այլ բառով:
Այս կինը 2.5 տարվա ընթացքում ամենից շատն է բողոքել ներքաղաքական մթնոլորտից, պիտակավորումից, ատելության քարոզից և այլն, իսկ հիմա եկել և անիծում է:
Գործող խորհրդարանից հույս չկա, իշխող խմբակցությունն այս կնոջն իր տեղը ցույց տալու համարձակություն չունի:
Միակ հույսը միջազգային կառույցներն են, որ միանշանակ դատապարտեն և հստակ հասկացնեն՝ այլևս ցանկություն չունեն հարաբերվելու Զոհրաբյանի հետ՝ իբրև խորհրդարանի մարդու իրավունքների պաշտպանության հանձնաժողովի նախագահի:
Իմիջիայլոց, գոնե հասկանար, որ այս օրերին գերեզման քանդելու կոչեր անելով՝ ոչնչով չի տարբերվում ադրբեջանցի պղծարարներից, որոնք տուրք են տվել իրենց ամենաստոր բնազդներին և քանդում են հայկական գերեզմանները: