Հինգշաբթի 09.07.2020 23:45

Քաղաքական
09.07.2020 / 22:00
Սատիրիկոն
09.07.2020 / 20:00
Հարցազրույց
09.07.2020 / 19:00
Լուր-մեկնաբանություն
09.07.2020 / 16:00
17.11.2019   19:00
1370

Նախկին պաշտոնյաների կոռուպցիոն քարտեզ. Գագիկ Բեգլարյան


Հեղափոխությունից 1.5 տարի անց դեռ չնչին քայլեր են արվել բացահայտելու նախկին այն պաշտոնյաներին, ովքեր, օգտագործելով պաշտոնական դիրքը, կուտակել են անսահման հարստություններ: Առաջիկայում ընդունվելու է առանց դատավճռի գույքի բռնագանձման մասին օրենքների փաթեթը: 

Եթե այն օրենքի ուժ ստացավ, ապա պետք է թիրախավորի կոռուպցիայի մեջ ներգրավված անձանց, փողերի լվացմամբ զբաղվողներին, ինչպես նաև հանցավոր խմբավորումների անդամներին:

Իսկ սույն խորագրում զետեղված նյութերը մեթոդական աջակցություն կլինեն ավելի արագ և ամբողջական հայտնաբերելու բոլոր այն գույքերը, որոնք ձեռք են բերվել պաշտոնական դիրքի օգտագործման և չարաշահման հետևանքով:

Այսօրվա մեր հերոսը քոչարյանասարգսյանական դարաշրջանի առավել օդիոզ և հայտնի գործարարներից մեկն է՝ Գագիկ Բեգլարյանը, նույն ինքը՝ «Չորնի Գագոն», նույն ինքը՝ Երևանի նախկին քաղաքապետն ու տրանսպորտի և կապի նախկին նախարարը: 

Նա իր ռազմահայրենասիրական գործունեությունը սկսել է 1993 թվականից: 2002-2008թթ. եղել է Կենտրոն համայնքի թաղապետ  և վերընտրվել է երկու անգամ (2005թ. և 2008թ.): 2009-2010թթ. եղել է Երևանի քաղաքապետ, իսկ 2012-ին՝ տրանսպորտի և կապի նախարար:

Բավական բարդ գործ է պարզել, թե ինչ կարողություններ է կուտակել Գագիկ Բեգլարյանն իր պաշտոնավարման տարիներին: Կարելի է վստահաբար ասել, որ շատ, այնքան, որ նրան կարելի է համարել Հայաստանի ամենահարուստ մարդկանցից մեկը:

«Չոռնի Գագո» մականվամբ հայտնի այս պաշտոնյայի մեծ կարողության մասին մեկ անգամ չէ, որ մամուլը գրել է:
Նրա ունեցվածքի մասին լրատվամիջոցների տարբեր հրապարակումներից հայտնի է, որ առանձնատներ ունի Սևանում, Ծաղկաձորում, տարածքներ` Երևանի կենտրոնում, սրճարան ունի Աբովյան փողոցի վրա, նրան է պատկանում Օղակաձև զբոսայգում գտնվող «Մուզ» սրճարանը, Խանջյան փողոցի վրա գտնվող «Ֆիեստա» բարը, «Օպերայի» սրճարաններից մեկը։ Բեգլարյանն ունի նաև բենզալցակայան, տներ` Հյուսիսային պողոտայում, Դուբայում:

Վերոնշյալ տարածքների առումով վստահ ենք, որ գրանցված են Գագիկ Բեգլարյանի դրածոների անուններով, բայց վերջնական վստահության «ձայնը» պատկանում է Հայաստանի իրավապահներին, որոնց մնում է պարզապես ստուգել մեր հրապարակած փաստերի իսկությունը:

Թավշյա հեղափոխությունից հետո միլիոնատեր նախկին պաշտոնյան քրեական գործով վկայի կարգավիճակ ունի: Քննչական կոմիտեում հարցաքննվել է որպես վկա «Հյուսիս-հարավ ճանապարհային միջանցք» ներդրումային ծրագրի մասով հարուցված քրեական գործի շրջանակներում:

«Հյուսիս-հարավի» շինարարությունը հենց հանրապետական նախկին պաշտոնյա Գագիկ Բեգլարյանի ղեկավարման օրոք է մեկնարկել։ Հավելենք, որ «Հյուսիս-հարավի» գործով մեղադրյալների թիվը 15-ի է հասել:

«ՉԻ»-ին պարզել է, որ մասնավորապես մայրաքաղաքի Սարյան փողոցի և Մաշտոցի պողոտայի հատման  մասում բարեկարգված այգում կառուցված սրճարանում 30 տոկոս մասնաբաժին ունի Գագիկ Բեգլարյանի որդին՝ Հրանտ Բեգլարյանը:

Հանրապետական նախկին պաշտոնյան կարողացել է նաև իր ձեռքը գցել «Գումի» շուկան, «Մետաքս» գործարանը, Ծաղկաձորի «Նարեկ» հանգստյան տունը:

Բայց նրա խիստ բեղմնավոր գործունեության գագաթնակետը դարձավ ռուսաստանահայ գործարար Սամվել Կարապետյանի հետ համատեղ բիզնեսը:

2017 թվականին Արաբկիր վարչական շրջանում բացված  «Ռիո մոլ» առևտրաժամանցային կենտրոնը, պարզվում է համատեղ բիզնես ծրագիր է: 

«Ռիո»-ն առևտրաժամանցային կենտրոնների ռուսական ցանց է, որը ներառված է 2005թ. հիմնադրված «Տաշիր» ընկերությունների խմբում։

Ընդհանուր 24 հազ. քառ.մ. տարածք զբաղեցնող «Ռիո»-ի տեղում եղել է «Արաբկիր կահույքի ֆաբրիկան»: Այն ամենամեծ արտադրամասն է եղել Երևանում: Հենց կահույքի արտադրամասի պատերի վրա էլ կառուցվել է խոշոր առևտրի կենտրոնը: Իսկ իր պաշտոնավարման ընթացքում Գագիկ Բեգլարյանը կարողացել է էժան գներով սեփականաշնորհել «Արաբկիր կահույքի ֆաբրիկան»:

Եվ այսօր Սամվել Կարապետյանին պատկանող «Ռիո մոլ» առևտրի կենտրոնում  մասնաբաժինն ունի նաև Գագիկ Բեգլարյանը:

Բացի այդ, Սամվել Կարապետյանը Գագիկ Բեգլարյանի որդու հարսանիքի քավորն է: 

«ՉԻ»-ի տեղեկություններով՝ «Ռիո» հիպերմարկետի տարածքը Գագիկ Բեգլարյանի սեփականությունն է:

Առևտրի կենտրոնի հարակից տարածքը ևս նրանն է: Տարածքը, որը մոտ 4-5 հեկտար է զբաղեցնում, այժմ ցանկապատված է: 

Մենք կարող ենք գրել՝ շարունակելի, բայց իրավապահ մարմիններին սա էլ շատ, թող սկսեն հետաքննել, ընթացքում նոր տեղեկություններ կհաղորդենք:

«Չորրորդ իշխանություն», թիվ 9, 2019



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         կոռուպցիոն քարտեզ, Գագիկ Բեգլարյան


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված



Տիկին կոշկակարը












































Ստոպ-կադր
Ստոպ-կադր
04.07.2020 / 569