Երեքշաբթի 19.10.2021 00:40

02.10.2021   20:30
3037

Ո՞ր ախմախն է 5 հազար երիտասարդի գլուխ ուտում՝ գիտակցելով պարտության անխուսափելիությունը


Լևոն Տեր-Պետրոսյանի նկատմամբ վերաբերմունքը հոգեկան առողջության թեստ է:

Պարտությունից հետո մեզ անհրաժեշտ էր անցյալի սթափ վերլուծություն, փաստերի վրա հիմնված գնահատական և երկրի համար հեռանկար բացելու գործողությունների իրատեսական ծրագիր: Այս ամենը, իհարկե, պահանջում էր հասունություն և պարկեշտություն: Միայն հասուն և պարկեշտ մարդը կարող է հանուն գործի, հանուն կարևոր նպատակի մոռանալ սեփական հավակնությունների մասին, ընդունել անգամ շա՜տ չսիրած ընդդիմախոսի ճշմարտացիությունը, սովորել նրանից և գնալ առաջ: Միայն պարկեշտ մարդն է ընդունակ հրաժարվելու այն պաշտոնից, որին ինքն արժանի չէ, քանի որ իր գիտելիքներն ու հմտաությունները բնավ չեն համապատասխանում դրան: 

Ուստի ի՞նչ պետք է աներ իշխանությունը համարյա մեկ տարի առաջ՝ նոյեմբերի 9-ի համաձայնագիրը ստորագրելուց հետո: Եթե պարկեշտության գեթ մեկ կաթիլ ունենար, պետք է հայցեր հասարակության ներողամտությունը, խոստովաներ, որ պարտվել է ոչ միայն ռազմական, այլև դիվանագիտական դաշտում, և հեռանար: Չարեց:

Ի՞նչ պետք է աներ իրեն ազգային հռչակած ընդդիմությունը: Պետք է խոստովաներ, որ իր մտավորականության, իր քաղաքական առաջնորդների 20-ամյա հաշվարկը սխալ էր, որ 1997 թվականին Արցախյան խնդրի նպաստավոր լուծումից հրաժարվելը հանգեցրեց Հայաստանի թուլացմանը և բարձրացրեց պատերազմի հավանականությունը: Չարեց: Փոխարենը աղմուկ-աղաղակով բարձրացրեց ազգակործան իշխանության վարկանիշը:

Եվ երկուստեք՝ թե՛ իշխանությունը (հատկապես իշխանությունը), թե՛ ընդդիմության ամենաաղմկոտ հատվածը պայքարի նոր ռաունդ հայտարարեցին ընդդեմ ՀՀ առաջին նախագահ Լևոն Տեր-Պետրոսյանի, այսինքն՝ ընդդեմ բանականության կամ ողջախոհության: 

Եվ այսպես, պարտությունից հետո սրանց բոլորի հիմնական ապացուցելիքն այն էր, որ պատերազմն անխուսափելի էր, իսկ մենք չհաղթեցինք, քանի որ դավաճաններ ունեինք: 

Հանուն ճշմարտության՝ առանձնացնենք ՀՀ 2-րդ և 3-րդ նախագահներին: Ռոբերտ Քոչարյանը հայտարարեց, որ եթե ինքը նախագահ լիներ պատերազմ չէր լինի, սակայն չբացատրեց, թե ինչու: Սերժ Սարգսյանն ավելի հեռուն գնաց՝ պնդելով, որ երբեք ոչմիթիզական չի եղել, որ երկարաձգել է իր իշխանավարումը Արցախյան հարցին խաղաղ լուծում տալու համար: Հավելենք, որ Ռոբերտ Քոչարյանն ու իր որոշ զինակիցներ սկսեցին գործածել «արժանապատիվ խաղաղություն» ձևակերպումը, որից հրաժարվում էին մոտ 20 տարի, քանի որ այն զուգորդվում էր Լ. Տեր-Պետրոսյանի հետ:

Նիկոլ Փաշինյանի մտքի գոհարներն անսպառ են, և դժվար է առանձնացնել ամենաարտառոցը: Թերևս նորից հիշեցնենք դավաճան չկոչվելու պատճառաբանությունը, որն ավելի են զարգացրել նրա ջերմ պաշտպանները՝ ասելով՝ ո՞ր ախմախն է առանց պատերազմի հող հանձնում: Նշենք, որ նման ախմախության պատասխանը գտնել գրեթե անհնար է: Ուստի հարց տանք՝ ո՞ր ախմախն է 5 հազար երիտասարդի գլուխ ուտում՝ գիտակցելով պարտության անխուսափելիությունը:

Փաստը, սակայն, մեկն է. պատերազմից կարելի էր և պետք էր խուսափել: Հանցագործություն էր հենց պատերազմը: Ն. Փաշինյանը մի ամբողջ ազգ պատերազմի տարավ դավաճան չկոչվելու համար, իսկ ավելի ճիշտ՝ հերոսանալու նկրտումներով, ի հեճուկս ՀՀ առաջին նախագահի: Բանականության, ողջախոհության և պետության դեմ հանցագործություն է սա չընդունելը, որովհետև այսպիսի հակատրամաբանությամբ երկիրը տանելու են նոր աղետների:

Զարուհի Գաբրիելյան



 Պիտակներ

         Զարուհի Գաբրիելյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները

Գույժ
Գույժ
16.10.2021 / 8988




























Հերքում
Հերքում
12.10.2021 / 1399

Պողոսի երազը
Պողոսի երազը
12.10.2021 / 1318




















Բազմածնունդը
Բազմածնունդը
11.10.2021 / 618