Քաղաքական
25.02.2021 / 23:27
Սատիրիկոն/Լուր-մեկնաբանություն
25.02.2021 / 19:40
14.02.2021   20:00
345

Բլդուղ կամ օրենքներ գավառական գերագույնի հագով


ՕՐԵՆՔԻ ՆԵՌՈՒՂԻՆ

Ս.թ. փետրվարի 4-ին ԿԳՄՍ նախարարը մի փաստ արձանագրեց. «Այն աղմուկը, որ կար, հիմա չկա»: Անշուշտ, արդեն համոզվել ենք, որ պ. Դումանյանը մեր անկեղծ պաշտոնյաներից մեկն է, եթե չասենք՝ ամենաանկեղծն է:

Ուրեմն կառավարությունում հաստատեցին կրթության աղմկահարույց չափորոշիչները անաղմուկ պայմաններում: Իսկ ինչո՞ւ աղմուկ չկա, ինչո՞ւ են հիմա մեկը մյուսի հետևից օրենքներ և որոշումներ ընդունում, որոնք, համոզված ենք, նախապատերազմական շրջանում մեր հանրության ակտիվ հատվածի արձագանքից զերծ չէին մնա: Պատասխանն ակնհայտ է. աղմուկ չկա, որովհետև ազգակործան պատերազմից հետո հասարակությունն ուշքի չի գալիս, չի տեսնում ստեղծված վիճակից դուրս գալու ելքը, իսկ քաղաքական ուժերին հետաքրքրում է իշխանության խնդիրը, այն էլ՝ ինքնանպատակ, որովհետև քաղաքական աղմկող ուժերից ոչ մեկը պետականությունը փրկելու իրատեսական լուծումներ չունի: Բնական է, որ մարդկանց մի փոքր հատվածի կարող են հուզել այնպիսի մանր-մունր խնդիրներ, ինչպիսիք են արդարադատությունը, կրթությունը և խոսքի ազատությունը: 

Եվ ահա այս պայմաններում արդարադատությանը, կրթությանը և խոսքի ազատությանը հարված է հասցնում այն իշխանությունը, որի գործունեության կամ անգործության պատճառով զոհվել, հաշմանդամ են դարձել հազարավոր երիտասարդներ, կորցրել ենք տարածքներ, զիջում ենք պետության ինքնիշխանությունը: Կարծում ենք՝ մտածող որևէ անհատ չի կասկածում, որ ԱԺ մեծամասնությունը հիմա մտահոգված է միայն սեփական ճակատագրով: Խորհրդարանական ընդդիմությունը այս օրենքների դեմն առնելու ո՛չ մտավոր, ո՛ չ ֆիզիկական ներուժ չունի, հետևաբար դրանք ընդունվելու են: Ըստ Սահմանադրության՝ իմքայլականների բռնապետական հակումներին կարող է դիմադրել հանրապետության նախագահը, բայց արդյո՞ք կընդդիմանա, թե՞ սուսուփուս կստորագրի ապագա բռնապետի իշանությունն ամրապնդող օրենքները: 

Իսկ հիմա պարզաբանենք, թե արդարադատությանը, կրթությանը և խոսքի ազատությանը վերաբերող օրենքներն ինչով են նպաստելու այս կամ այն առաջնորդի բռնապետական հակումներին:

1. Սկսենք արդարադատությունից: Հիշո՞ւմ եք՝ 2018 թ. իշխնափոխությունից հետո ինչպես էր փոխվում արդարադատության մեր համակարգը: Դանդաղ, վախվորած քայլեր էին, որոնք ուղեկցվում էին անասելի աղմուկով: Այն ժամանակ արդեն պարզ էր, որ խնդիրը ոչ թե արդարադատությունն էր, այլ իշխանության ամբողջական յուրացումը: Եվ հիմա, օգտագործելով կոռուպցիայի դեմ պայքարելու գաղափարը, կառավարությունը, ԱԺ-ն լծվել են հակակոռուպցիոն դատարանի ստեղծման գործին, որպեսզի ունենան սեփական դատավորների շարասյուն: Ի դեպ, հակակոռուպցիոն այսպիսի դատարանը գործիք է դառնալու իշխանության առաջին դեմքի ձեռքին, ով էլ նա լինի: Հայաստանի տիպի երկրներում այդ գործիքն աշխատելու է անցանկալի բիզնեսմենների դեմ: Կարծում ենք, որ արդարություն հաստատելու ամբոխահաճ կարգախոսների ներքո տեղի է ունենալու ունեցվածքի վերաբաշխում:

2. Բարձրագույն կրթությանը վերաբերող օրենքի շուրջ դեռ 2019-ին մեծ աղմուկ բարձրացավ: Բողոքում էին հատկապես հայագետները, որովհետև օրենքից հանվում էր հայոց պատմության, հայ գրականության և հայոց լեզվի պարտադիր ուսուցման կետը: Սակայն կրթության մասնագետների, բուհական դասախոսների աչքից չէին վրիպել նաև այն կետերը, որոնցով սահմանափակվում էր բուհական ինքնավարությունը: Իսկ հիմա՝ պատերազմից հետո, աղմուկ չկա: Հանգիստ կարելի է ընդունել իրավականորեն խնդրահարույց օրենքը և ունենալ բուհերի ձեռնասուն ղեկավարներ: Ընդգծենք, որ իշխանությանը հլու-հնազանդ համալսարանները ձեռնտու են միայն բռնապետությանը:

3. Զրպարտության համար խստացվող պատիժները վերաբերում են մամուլին, այսինքն՝ խոսքի ազատությանը: Անշուշտ, այստեղ բազում խնդիրներ կան, սակայն ԱԺ բերված օրենքի նախագծի միակ նպատակը իշխանությունը լրատվամիջոցներից փրկելն է: 

Բնականաբար, հասարակության անտարբերության պայմաններում մեր ԱԺ-ն կարող էր օրենք ընդունել նաև ցմահ մահապատժի մասին (Աբսուրդի հեղինակային իրավունքը Գալուստ Սահակյանինն է:)

Երևում է՝ այս իշխանությունը կա՛մ որոշել է հավերժացնել իր գոյությունը՝ հաստատելով Ն. Փաշինյանի բռնապետությունը, կա՛մ չի պատկերացնում, թե ինչ զենք է տալիս հաջորդ իշխանությանը՝ առաջին հերթին հենց իր դեմ:

Զարուհի Գաբրիելյան



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         Զարուհի Գաբրիելյան


››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված













Շատ ուրախ ե՞ք
Շատ ուրախ ե՞ք
09.02.2021 / 979









Էդ սպառնըմ ե՞ս
Էդ սպառնըմ ե՞ս
10.02.2021 / 842


















Խզարում ենք
Խզարում ենք
02.02.2021 / 634