Քաղաքական
31.05.2020 / 16:00
Ձեռագրերը չեն այրվում
31.05.2020 / 12:00
Լուր-մեկնաբանություն
31.05.2020 / 11:00
Երազահան
31.05.2020 / 10:00
Աստղագուշակ
30.05.2020 / 22:00
29.10.2019   20:00
1930

Ունքը դզելու փոխարեն աչքը հանեց


Այսօր Միջազգային և անվտանգության հարցերի հայկական ինստիտուտի (ՄԱՀՀԻ) գրասենյակում կազմակերպվել է «Հոկտեմբերի 27-ից 20 տարի անց. հայացք անցյալին, դասեր և մտորումներ» խորագրով քննարկումը:

Քննարկման կազմակերպիչներն ազդագիր էին տարածել՝ արգելելով որոշ լրատվամիջոցների մուտքը քննարկմանը։ «Մուտքը news.am, hayeli.am, 168.am, yerevan today, 7or.am, livenews.am, 5-րդ ալիք ու Երկիր մեդիա հեռուստաընկերությունների և այլ քարոզչամիջոցների առջև փակ է: Սույն լրատվամիջոցներին ներկայացնող լրագրողները, տեսախցիկները դուրս են հանվելու դահլիճից»,- ասված է տարածված հաղորդագրության մեջ։

Սա կոչվում է «ունքը դզելու փոխարեն աչքը հանել»: ՄԱՀՀԻ-ն՝ ի դեմս նրա ղեկավար Ստյոպա Սաֆարյանի, որքան էլ խնդիրներ ունենար վերոհիշյալ լրատվամիջոցների հետ, պետք է զերծ մնար նրանց դեմ արգելքներ դնելու մտադրությունից: 

Եթե այդ քննարկումը փակ ֆորմատով կազմակերպվեր, ոչ ոք բան չէր ասի, սակայն եթե դա բաց քննարկում է, դրա մասին հայտարարվում է, ապա այդ դեպքում ցանկացած լրատվամիջոց իրավունք ունի ներկա լինել քննարկմանը, տեսագրի էլ, ձայնագրի, հարցեր էլ տա: Ու նրանց արգելելը կարող է դիտարկվել լրատվամիջոցների գործունեության խոչընդոտում: 

Հասկացանք, այդ լրատվամիջոցները ամեն օր Ստյոպա Սաֆարյանի, նրա քրոջ մասին ինչ ասես, որ չեն գրում: Գիտենք, ովքեր են նրանց տերերը, ովքեր են ֆինանսավորում, բայց դրանով հանդերձ նրանք չեն դադարում լրատվամիջոց համարվել: Ստյոպա Սաֆարյանը լրատվամիջոցների հանդեպ նման վերաբերմունքով շատ վատ, վտանգավոր նախադեպ է ստեղծում: Պատկերացնում ե՞ք, ցանկացած ոք որոշի իր կազմակերպության, կուսակցության կամ որևէ կարգի միջոցառումն անցկացնելիս լրատվամիջոցների զտում իրականացնել: Բոլոլա է լինելու:

Ընդ որում, միջոցառմանը չափազանց հետաքրքիր թեմա էր շոշափվելու՝ հոկտեմբերի 27-ի ոճրագործությունը, հրավիրված հյուրերի կազմն էլ էր ուշագրավ՝  ԱԺ պատգամավոր Արման Բաբաջանյանը, ՀՀ պաշտպանության նախկին նախարար Վաղարշակ Հարությունյանը, քաղաքական գործիչ Արկադի Վարդանյանը, քաղաքական գործիչ Անահիտ Բախշյանը, Հանրապետություն կուսակցության նախագահ և նախկին վարչապետ Արամ Զ. Սարգսյանը:
Բայց այս աղմուկից հետո Արամ Զ. Սարգսյանն ու Անահիտ Բախշյանը հրաժարվեցին մասնակցել քննարկմանը: Մինչդեռ նրանք ամենակարևոր անձինք պետք է լինեին այդ քննարկմանը՝ որպես 27-ի զոհերի հարազատներ: 
Ու թե ինչ է քննարկվելու այդ հավաքին, այլևս երկրորդ պլան է մղվել, որովհետև բոլորը քննարկում են լրատվամիջոցներին արգելելու հարցը: Ահա այսպես էլ քնարկման «աչքը հանվեց»:

Այնպես որ, ոչ միայն Ստյոպա Սաֆարյանին, այլև ընդհանրապես բոլորին խորհուրդ կտայինք այսպիսի կողմնակալություն չցուցաբերել լրատվամիջոցների հանդեպ, դա հենց իրենց է վնաս հասցնելու: Ստյոպա Սաֆարյանի դեպքում առավել ևս նման բան պետք չէ անել, քանի որ վերջինս նաև Հանրային խորհրդի անդամ է:

Մյուս կողմից, Գերմանիայում սովորած մեր գործընկերներից մեկը պատմեց, որ այդ երկրում ընդունված նորմ է, որ եթե որևէ ԶԼՄ կամ լրագրող սուտ կամ կեղծ տեղեկություն է տարածել, ապա «տուժողները» կարող են մերժել նրանց մուտքը տվյալ միջոցառմանը և այդպես էլ անում են։ Կամ նախարարների խոսնակները, որ պարտավոր են շաբաթը 2 անգամ ճեպազրույց անցկացնել ու պատասխանել լրագրողների հարցերին, նման լրագրողների հարցերին կարող են չպատասխանել: Բայց դա այն դեպքում, եթե ապացուցվում է, որ տվյալ լրատվամիջոցը կեղծ ինֆո է տարածել: Թե չէ, լավ մոտեցում է:



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Ստյոպա Սաֆարյան


Գովազդ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված

















«ՉԻ» ռիթմով
«ՉԻ» ռիթմով
11.05.2020 / 2649










«ՉԻ» ռիթմով
«ՉԻ» ռիթմով
04.05.2020 / 2280













Թիմ չի, մուրազ է








Գործակալ 00
Գործակալ 00
02.05.2020 / 1825