Քաղաքական
09.07.2020 / 22:00
Սատիրիկոն
09.07.2020 / 20:00
Հարցազրույց
09.07.2020 / 19:00
Լուր-մեկնաբանություն
09.07.2020 / 16:00
23.11.2019   09:30
1471

Փաշինյանը չափազանց շատ է խոսում և երևում


Նիկոլ Փաշինյանը շատ է խոսում: Թերևս նա շուտով կճանաչվի աշխարհի ամենից շատ խոսող և երևացող երկրի ղեկավար: Նա խոսում է ամեն ինչից՝ քաղաքականությունից, տնտեսությունից, մշակույթից, գեյերից, ճանապարհաշինարարությունից, աղբից, տան վերանորոգումից, գրում է բանաստեղծություններ և վերլուծում Աստվածաշունչը: Եվ այդ ամենը հայերեն, ռուսերեն, անգլերեն ու ֆրանսերեն: Լրիվ օբյեկտիվ պատճառներով մեկ մարդը չի կարող խորությամբ տիրապետել բոլոր բնագավառներին և ոլորտներին: Իսկ մակերեսային գիտելիքների տիրաժավորումը խնդիրներ է առաջացնում: Հատկապես այն պարագայում, երբ նրա ցանկացած խոսք նախ դիտարկվում է խոշորացույցի տակ, այնուհետև ուղարկվում փորձաքննության՝ պատվեր ստանալով անպայման կեղտ գտնել:

Առանձնապես խնդրահարույց են Փաշինյանի Հայոց պատմության և քրիստոնեության վերաբերյալ դատողություններն ու մեկնաբանությունները: Վիճակն ավելի է վատանում, երբ նա փորձում է զուգահեռներ անցկացնել իր գործունեության և հայոց պատմության ու քրիստոնեության երևելի դեմքերի միջև: Նիկոլ Փաշինյանը պետք է գիտակցի, որ չափազանց վաղ է գնահատական տալու իր գործունեությանը: Առավել զավեշտալի է, երբ դա անում է անձամբ կամ Հովիկ Աղազարյանի միջոցով:

Հեղափոխության ժամանակ նրա հանապատրաստից ելույթները, արձագանքները և հակադարձումները աշխատեցին, բայց պետության ղեկավարի խոսքի կշիռը և պարբերականությունը պետք է փոխվեին: Քաղաքական իրավիճակը փոխվել է, և հեղափոխության հռետորաբանության անխնա շահագործումը պարզապես ֆիզիկապես ու բովանդակային առումներով մաշեցնում է այն:

Մի իրավիճակ էր, երբ հեղափոխության ժամանակ նրա ամեն մի հայտնվելը ֆեյսբուքում ոչ միայն անհրաժեշտ էր, այլ նաև՝ պահանջված, այլ իրավիճակ է, երբ նույնն արվում է պետության ղեկավարի կարգավիճակում: Անընդունելի է ֆեյսբուքյան ուղիղ եթերը՝ սպանված ոստիկանի հոգեհանգստի արարողությունից: Պետության ղեկավարը տուրիստական ընկերության գիդ չէ, որ ներկայացնի իր այցելած բոլոր թանգարանները և հուշարձանները: 

Դրա փոխարեն, բազում հանցագործությունների մեջ մեղադրվող նախկին իշխանությունների պարագլուխները խելացի մտքերի շարադրանքի միջոցով նորովի են փորձում ներկայանալ հասարակությանը: Նրանց միակ խնդիրն այն է, որ հասարակությունը դեռ չի մանիպուլացվում, հաշվի է առնում, թե ով է ասողը և ինչ դրդապատճառներ ունի: Բայց միշտ դրա վրա հույս դնելը կործանարար կլինի:

Արիս Վաղարշակյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Արիս Վաղարշակյան, Նիկոլ Փաշինյան


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված



Տիկին կոշկակարը












































Ստոպ-կադր
Ստոպ-կադր
04.07.2020 / 570