...

Քաղաքական գործիչներն արձագանքում են Փաշինյանի՝ ձնագնդիկով խփելուն

Քաղաքական գործիչներն արձագանքում են Փաշինյանի՝ ձնագնդիկով խփելուն

Այսօր Նիկոլ Փաշինյանը ձնագնդիկով խփեց լրագրողներին:

Ներկայացնում ենք քաղաքական գործիչների արձագանքը:

Արթուր Վանեցյան. «Կանգ առ, Նիկոլ: Ես դեռ ամռանն էի քեզ զգուշացնում, որ ձյուն է գալու»:

Արթուր Դանիելյան. «Արդար է, հասնում է: Պետք է ձեզ գցի ձյան մեջ ու թաղի»:

Ռոբերտ Քոչարյան. «Սա ուղիղ ճնշում է իմ նկատմամբ: Այդ լրագրողները կհիվանդանան և չեն կարողանա լուսաբանել իմ նկատմամբ իրականացվող բռնաճնշումները»:

Սաթիկ Սեյրանյան. «Հայաստանի ոչ մի ղեկավար չէր խփել լրագրողներին: Սա ուղիղ ճնշում է մամուլի հանդեպ»:

Նարեկ Մալյան. «Մենք պարզել ենք այդ ձյան ծագումնաբանությունը: Այն պատահական չէր հայտնվել այդտեղ, Սորոսն ուղիղ կապ ունի դրա հետ»:

Տիգրան Խզմալյան. «Ձյունը դա Ռուսաստանի խորհրդանիշն է: Այն բերելով առաջին պլան՝ Փաշինյանը ծառայում է Կրեմլի ծրագրերին»:

Սերժ Սարգսյան. «Պոպուլիստները եկել են իշխանության գլուխ»:

Գևորգ Պետրոսյան. «Ձնագնդիկով խփելս որն ա՞: Ի՞նչ թազա մուննաթ գալու ձև ա»:

Լիլիթ Մակունց. «Մենք դեռ չենք քննարկել այդ հարցը խմբակցությունում: Չունենք պաշտոնական մեկնաբանություն»:

Հովիկ Աղազարյան. «Ցանկացած հայի համար պետք է պատիվ լինի, որ Փաշինյանը իրեն խփում է: Ես շատ կուզեի լինեի այդ լրագրողների տեղը»:

Արփինե Հովհաննիսյան. «Ես արդեն բոլոր իմ ռեսուրսները ներդրել եմ, որպեսզի աշխարհը իմանա, թե ինչ է կատարվում Հայաստանում: Նամակներ եմ գրել ՄԱԿ-ի խոշտանգումների գծով հանձնակատարին, Նոբելյան մրցանակի Խաղաղության բոլոր դափնեկիրներին»:

Արմեն Աշոտյան. «Այդ ձյան պայմանավորվածությունները դեռ նախագահ Սարգսյանի օրոք են ձեռք բերվել: Մի մոռացեք, որ Սուրենյանը մեր կադրն է»:
 

#Tags / Պիտակներ

ՎԱՐԿԱՆԻՇ

   2837 ԴԻՏՈՒՄ

Տարածեք

ՆՄԱՆԱՏԻՊ ՆՅՈՒԹԵՐ
Դեպի ՎԵՐ