ԱԺ պաշտպանության և անվտանգության հարցերի մշտական հանձնաժողովի նիստում ՔՊ խմբակցության պատգամավոր Հովիկ Աղազարյանը հայտարարել է. «Հայաստանն այլևս պատերազմի մեջ չի մտնելու»:
«ՉԻ». Վերջապես: Շախ ու մատ Ալիևին: Հիմա եթե Ադրբեջանի ղեկավարը ցանկանա ինչ-որ ագրեսիա իրականացնել Հայաստանի դեմ, միջանցք, Սյունիք, տարածք, նման բաներ անի, ստիպված միակողմանի է անելու: Այդ դեպքում խայտառակ է լինելու:
Սաղ աշխարհը կարող է ծիծաղել նրա վրա, ասել՝ այտա´, էդ ո՞ւմ հետ ես կռվում, չե՞ս տեսնում, որ Հայաստանը պատերազմի հավես չունի:
Ու Ալիևը քոռ ու փոշման, մանթոյից մեռնելով ստիպված պիտի խաղաղություն մուրա: Բայց արդեն հեղինակազրկված կարգավիճակով:
Մենք մեր առջև նոր նպատակ ենք դնում. «Նոր խաղաղություն, նոր տարածքներ»: Աղազարյանին էլ՝ Նոբելյան մրցանակ: