ԱԺԲ ղեկավար Ժիրայր Սեֆիլյանը կոչով դիմել է հայրենակիցներին. «Պատրաստվենք ընդվզելու, հրապարակները լցնելու և քաղաքացիական անհնազանդության միջոցով կեղեքիչ համակարգին ժողովրդի կամքը պարտադրելու, որպեսզի վերջապես ձևավորենք ազգային կառավարություն»:
«ՉԻ». Ըհը, հիմա էլ սա: Հայրենիքի փրկիչների թիվը գնալով շատանում է: Դա որոշակի անհարմարություններ է ստեղծելու Հայրենիքի և քաղաքացիների համար:
Դրա համար անհրաժեշտ է կանոնակարգել հայրենիքի փրկության գործը: Պետք է հստակ ժամանակացույց ստեղծել, այն բաժանել հայրենիք փրկողներին, որ հայրենիքի փրկության գործում խառնաշփոթ չառաջանա:
Օրինակ՝ երկուշաբթի օրը հայրենիքի փրկությամբ պետք է զբաղվի միայն ԱԺԲ-ն:
Երեքշաբթի՝ Վազգեն Մանուկյանը:
Չորեքշաբթի՝ դաշնակները:
Հինգշաբթի՝ Ռոբերտ Քոչարյանը:
Ուրբաթ՝ Սերժ Սարգսյանը:
Շաբաթ և կիրակի օրերին պետք է հանգստանալ և նոր ուժերով պատրաստվել հաջորդ շաբաթ հայրենիքը փրկելու գործընթացին:
Բայց ասեք, որ այս 20 տարում ամենաշատը Հայաստանում զբաղվել են հայրենիքի փրկությամբ: Ուրիշ տեղերում միամիտները զբաղվում էին պետություն պահելով ու զարգացնելով: