Չորեքշաբթի 03.03.2021 22:43

Սատիրիկոն/Լուր-մեկնաբանություն
03.03.2021 / 21:30
Սատիրիկոն/Լուր-մեկնաբանություն
03.03.2021 / 20:45
Սատիրիկոն/Լուր-մեկնաբանություն
03.03.2021 / 20:00
Սատիրիկոն
03.03.2021 / 19:00
Սատիրիկոն/Լուր-մեկնաբանություն
03.03.2021 / 17:30
Քաղաքական
03.03.2021 / 16:30
07.07.2020   19:00
1868

Ճշգրիտ տվյալներ ունենալու համար նվազագույնը օրական 5000 թեստ պետք է անեինք


Բժիշկ-թերապևտ, Ներքին Հիվանդությունների Բժշկության Հայկական Ասոցիացիայի նախագահ Լամարա Մանուկյանը «ՉԻ» հետ զրույցում անդրադարձել է կորոնավիրուսի՝ COVID-19 համավարակին: Նա մասնավորապես նշել է՝ «COVID-19-ը մեծ աղետ է ամբողջ աշխարհի համար։ COVID-19-ի տարածման յոթ-ութ,իսկ Հայաստանում՝ չորս ամիսների ընթացքում անընդհատ ի հայտ են գալիս մի շարք նոր կլինիկական ախտանիշներ, որոնք բարդացնում են բուժման գործընթացը»։

- Բժշկուհի, ի՞նչ կասեք Հայաստանում կորոնավիրուսով վարակման դեպքերի վիճակագրության մասին, այն հուսադրո՞ղ է, թե՞ այդ առնչությամբ հնչող մտահոգություններին պետք է ավելի լրջորեն վերաբերվել:

- Նախատեսում ենք առաջիկայում սեմինար կազմակերպել «COVID-19 միջազգային փորձի փոխանակում» թեմայով, որին մասնակցելու են մեր արտերկրյա բազմաթիվ փորձագետները: Սեմինարի ընթացքում կներկայացվի, թե ինչ քայլեր են կատարվել, որպեսզի կարողանանք հասկանալ՝ ինչ բացթողումներ ու թերություններ են եղել, որոնց հետևանքով զգալի թիվ են կազմում ծանր դեպքերն ու համավարակի հետևանքով առաջացած մահերը: Ինչքան էլ առողջապահության ոլորտի պատասխանատուները փորձում են վստահեցնել, որ մահացության առումով Հայաստանի թվերը մեծ չեն, դա այնքան էլ այդպես չէ: COVID-19-ը ախտորոշելու համար միայն թեստավորումը և ռենտգեն հետազոտությունը բավական չեն, քանի որ ունենում ենք դեպքեր, երբ բացասական թեստի պարագայում թոքերի ՀՇ արդյունքում հաստատվում է երկկողմանի ատիպիկ վիրուսային թոքաբորբ՝ 5-30% և ավելի ախտահարումով։ Ինպես բոլոր երկրներում, այնպես էլ մեզ մոտ պետք է բոլոր կասկածելի դեպքերը, անգամ անախտանիշ և թեթև ընթացք ունեցողները անցնեն ՀՇ հետազոտություն, քանի որ գանգատ չունեցողները ամեն օր ջերմաչափում չեն կատարում և ուշադրություն չեն դարձնում թեթև շնչառական կամ այլ ախտանիշների վրա, այդ իսկ պատճառով իրենց անախտանիշ համարել չենք կարող։ Վիրուսը կարող է, օրինակ, 8-12 օր հետո դուրս գալ օրգանիզմից, թեստը՝ լինել բացասական, սակայն այն իր «սև գործը» գուցե արդեն արած լինի: Այդ իսկ պատճառով բոլոր կասկածյալները պետք անցնեն ՀՇ և, ցանկալի է՝ ՊՇՌ թեստավորում կամ ԻՖԱ հետազոտություն, իսկ վարակակիր լինելու փաստը հաստատվելուց հետո պարտադիր պետք է մեկուսացնել և բուժել։ Ես խոսել եմ համաճարակաբանների և իրավիճակը վերլուծող մասնագետների հետ, և եկել ենք նույն եզրահանգման՝ ճշգրիտ տվյալներ ունենալու համար նվազագույնը օրական 5000 թեստ պետք է անեինք: Մինչդեռ օրական կատարվող թեստերի թիվը 1800-2200 է: Դա ճիշտ չի արտահայտում Հայաստանի վիճակագրական պատկերը:

- Մեր երկրում կանխարգելման համար ձեռնարկված միջոցառումները բավարար համարո՞ւմ եք, և արդյոք ճիշտ ժամանակին սկսեցինք կանխարգելման աշխատանքները, թե՞ պետք էր ավելի շուտ քայլեր ձեռնարկել:

- Ցավով եմ արձանագրում, որ մենք սկզբում լրջորեն չվերաբերվեցինք համավարակին: Ճիշտ է, միջոցառումներ իրականացվեցին, բայց ոչ բուն բժշկական, օրինակ՝ զանգվածային թեստավորումը: Միջազգային փորձը ցույց է տալիս, որ այն երկրներում, որտեղ զանգվածային թեստավորումներ են կատարվել, արդեն հաղթահարում են համավարակը: Միջազգային փորձը ցույց է տալիս նաև, որ, այո, միակ պաշտպանիչ միջոցը դիմակ և ձեռնոց կրելն է: Բայց մի կարևոր պահ կա. դիմակը չի կանխարգելում վարակը, այլ նվազեցնում է վարակվելու հավանականությունը: Այսինքն՝ միայն դիմակի վրա հույս դնել չի կարելի: Ապրիլի 4-ից բացվեցին ժամանցի վայրերը, բայց հնչում են կոչեր, որ չպետք է այցելել: Ինչո՞ւ խիստ մոտեցում չեղավ այս հարցին: Եթե մեկ ամիս էլ խիստ կարանտին պահեինք, ապա այսօր դրական առաջընթացը շոշափելի կլիներ, և դուրս եկած կլինեինք ստեղծված իրավիճակից: Մայիսի 18-25-ն ընկած ժամանակահատվածը ճակատագրական եղավ մեզ համար, երբ թույլատրվեց տրանսպորտի գործունեությունը, և դիմակ կրելը պարտադիր չէր:

- Համաճարակաբանները նշում են, որ կորոնավիրուսի սկզբնական փուլում ախտանշանները նմանություն ունեն մյուս վիրուսների ախտանշաններին, ինչո՞վ է տարբերվում և ինչո՞ւ է առավել վտանգավոր դառնում կորոնավիրուսն, օրինակ, նույն գրիպի վիրուսից:

- Կորոնավիրուսի դեպքում, բացի թոքաբորբի ախտանշաններից, կարող է լինել աչքերի լորձաթաղանթի բորբոքում, փորլուծություն, համի և հոտի զգացողության կորուստ, մկանային ցավեր, ախորժակի բացակայություն, ընդհանուր թուլություն: Մարդու օրգանիզմում կորոնավիրուսը առաջացնում է նաև միկրոթրոմբոզներ և մազանոթների պատի բորբոքում: Եվ ոչ միայն թոքերում, այլև մյուս օրգաններում՝ երիկամներում, գլխուղեղում, սիրտ-անոթային համակարգում: Մահը վրա է հասնում այդ երևույթի պատճառով՝ առաջացնելով սուր դիսթրես համախտանիշ և արյան վարակ, երբ միանում է բակտերիալ ինֆելցիա։

- Տիկին Մանուկյան, ըստ Ձեզ՝ ե՞րբ այս ամենը մեր երկրում իր հանգուցալուծմանը կհասնի, ու մարդիկ հնարավորություն կունենան անցնել կյանքի բնականոն ռիթմին: Կխնդրեինք նաև պարզաբանել կորոնավիրուսի կրկնվելու հավանականության մասին լուրերը, քանի որ խոսվում է համավարակի երկրորդ ալիքի մասին:

- Կարծում եմ՝ երկրորդ ալիքը լինելը պարտադիր չէ, սա միայն վարկած է։ Իսկ լինելու դեպքում, իմ կարծիքով, ասոցացվելու է կրկնավարակի հետ, քանի որ մենք չգիտենք, արդյոք, վարակվելուց հետո կայուն իմունիտետ կձևավորվի, թե ոչ: Առողջապահության նախարարն էլ մի առիթով նշեց, որ բուժվածների մեջ կան վիրուսակիրներ, մեկ ամիս անց թեստավորելուց հետո: Կարծում եմ՝ ձեր նշած երկրորդ ալիքին պետք է սպասել հոկտեմբերին, իսկ համավարակի հանգուցալուծմանը ականատես կլինենք լավագույն դեպքում դեկտեմբերին:

Ցավով պետք է նշեմ, որ ընդունելության քննությունների ժամանակ, եթե խիստ չպահպանենք կանխարգելման կանոնները, հուլիսի 15-ից կավելանա վարակակիրների թիվը: Որքան էլ ԿԳՍՄ պաշտոնյաները հայտարարում են, թե դիմորդի հետ քննական տեղամասի տարածքում մեկ հոգուց ավելի մարդ չպետք է լինի, այդուհանդերձ այդ տարածքներում դիմորդների հետ բազմաթիվ հարազատներ են լինում։

- Ինչպե՞ս բարձրացնել համաճարակի կառավարման արդյունավետությունը։

- Կարծում եմ, անհրաժեշտ է նաև առողջության առաջնային պահպանման օղակի բժիշկներին վերապատրաստել և զինել նոր ուղեցույցներով կորոնավիրուսի վարման համար, որպեսզի առաջին՝ թեթև և անախտանիշ դեպքերը մեկ շաբաթից չծանրանան, և անհապաղ հոսպիտալիզացիայի կարիք չլինի, և երկրորդ՝ միջին ծանրության դեպքերն էլ հմուտ կարողանան վարել տնային պայմաններում, և այսպիսով կբեռնաթափվեն գերծանրաբեռնված հիվանդանոցները։

Եղեք առողջ, տեղեկացված, պաշտպանված և լավատես։

Մելանյա Ծառուկյան



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         կորոնավիրուս, Լամարա Մանուկյան, Մելանյա Ծառուկյան


››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված



Ստոպ-կադր
Ստոպ-կադր
01.03.2021 / 544























Բա սա կյա՞նք է
Բա սա կյա՞նք է
03.03.2021 / 80