...

Խոպանչի պրոպագանդիստը

Խոպանչի պրոպագանդիստը

Կրեմլի ամենահայտնի պրոպագանդիստներից Արամ Գաբրելյանովը իր տելեգրամյան ալիքում գրել է. «Բանակցությունների սեղանի շուրջ մարդիկ են, այո, այնպիսի մեծ մարդիկ, ինչպիսին Պուտինն է, բայց մարդիկ, որոնք ունեն էմոցիաներ և մարդկային ընկալումներ, որոնք կարող են ունենալ երեխաներ։ Ահա հաղթաթուղթ, խոսիր գերիների մասին, որպես քո զավակների, ոչ թե ծամծմիր, որպես վախկոտ։ Ով ով, բայց գոնե Պուտինը կհասկանար և կօգներ»։

«ՉԻ». Հետո էլ զարմանում եք, թե ինչու են ամբողջ աշխարհում ծաղրում ռուսական պրոպագանդան և նողկում դրանից: Մի պարզ պատճառով՝ այսպիսի մակարդակի վրա է իրականացվում պաշտոնական պրոպագանդան:

Այսինքն, եթե Նիկոլը հուզվեր, լացեր, հատիկ առ հատիկ նշեր մեր բոլոր գերիների անունները, ապա Պուտինը նույնպես կհուզվեր և կհրամայեր Ալիևին անմիջապես ազատ արձակել գերիներին: Նման տողեր գրելու համար ի՞նչ աստիճան պետք է ատել սեփական ընթերցողներին ու թերագնահատել նրանց մտավոր ընդունակությունները:

Հասկանալի է, որ Գաբրելյանովը Հայաստանում տենդեր է շահել իշխանություններին և անձամբ Փաշինյանին քննադատելու առումով: Բայց պատվիրատուները պետք է մի փոքր ուշադիր լինեն և հանդիմանեն նրան՝ ըստ էության գործով խոպանի հոգեբանությամբ զբաղվելու համար:

Նույնը պետք է անի նաև ռուսական կողմը, քանի որ այսպիսի մտավարժանքներով Գաբրելյանովը էլ ավելի է հաստատում կասկածները, որ Ալիևից բացի էլի կան ուժեր, որոնք շահագրգռված են հայ գերիների առկայությամբ:

#Tags / Պիտակներ

ՎԱՐԿԱՆԻՇ

   1208 ԴԻՏՈՒՄ

Տարածեք

ՆՄԱՆԱՏԻՊ ՆՅՈՒԹԵՐ
Դեպի ՎԵՐ