Երեքշաբթի 26.01.2021 12:57

Սատիրիկոն/Լուր-մեկնաբանություն
25.01.2021 / 21:00
Սատիրիկոն/Լուր-մեկնաբանություն
25.01.2021 / 20:30
Քաղաքական
25.01.2021 / 20:00
Սատիրիկոն/Լուր-մեկնաբանություն
25.01.2021 / 19:00
Սատիրիկոն/Լուր-մեկնաբանություն
25.01.2021 / 18:00
Սատիրիկոն/Լուր-մեկնաբանություն
25.01.2021 / 17:00
04.01.2021   20:30
11878

ԱԺՄ նախագահը հերթական անգամ «ծակվեց»


Հոկտեմբերի 27-ից անցել է ուղիղ երեք տարի: Ու այսօր, խայտառակ այդ ոճրագործությունից երեք տարի անց, պարզապես հետաքրքիր էր՝ ԱԺՄ նախագահ Վազգեն Մանուկյանը շարունակո՞ւմ է Նաիրի Հունանյանին ու նրա շայկային համարել ֆանատիկներ, ինչպես 99-ի հոկտեմբերի 28-ին: Եվ ընդհանրապես, այսօր ՀՀ նախագահի պաշտոնին հավակնող այդ այրը երբևէ տալո՞ւ է հոկտեմբերի 27-ի գնահատականը, որ նրա ընտրողներն իմանան, թե, ի վերջո, ըստ իրենց թեկնածուի, ի՞նչ էր հոկտեմբերի 27-ը՝ պետական հեղաշրջո՞ւմ, թե՞ ռոմանտիկների խրախճանք: 

Ի դեպ, ոմանք մտածում էին, թե այսօր, երբ ԱԺՄ նախագահը սպանված վարչապետի եղբոր հետ նույն ընդդիմադիր միավորման մեջ է, նա, գոնե կոռեկտությունից ելնելով, ձեռնպահ կմնար Նաիրի Հունանյանին վերստին ֆանատիկ որակելուց: Այդ շատերը, պարզվեց, սխալվում են. օրերս Մամուլի ազգային ակումբում կազմակերպված ասուլիսի ժամանակ Վազգեն Մանուկյանը պնդեց այն, ինչ ասել էր 99-ի հոկտեմբերի 28-ին. նա հայտարարեց, թե վստահ է, որ Նաիրի Հունանյանը և նրա հետ նաև մնացած չորսը ֆանատիկներ են, և ութ մարդու սպանությունը կատարել են՝ վստահ լինելով, որ լավ ու դրական գործ են անում երկրի համար: Ի դեպ, Վազգեն Մանուկյանը նաև որոշեց մեր բոլորի անունից ևս հանդես գալ, ու հայտարարեց, թե որևէ մեկը չի կասկածում, որ Նաիրին ֆանատիկ է: Ի դեպ, եթե ԱԺՄ նախագահն այդքան վստահ է, որ Հայաստանում չկա մարդ, որը կասկածի տակ առնի Հունանյան եղբայրների ֆանատիկ լինելու հանգամանքը, ինչո՞ւ չի դիմում ՀՀ գլխավոր դատախազին ու չի պահանջում դադարեցնել 27-ի գործից անջատված՝ կազմակերպիչների մասով քննությունը, և հանդուրժում է, որ զինդատախազության քննիչները, պետության փողերը վատնելով, տարբեր գործուղումների մեկնեն: 

Այսպիսով, Վազգեն Մանուկյանի համար 27-ի ոճրագործները այսօր ևս, ոճրագործությունից երեք տարի անց, ֆանատիկներ են: 

Ի դեպ, երբ ուսումնասիրում ես 27-ի գործով անցնող գործակալ Հարություն Գրիգորյանի՝ Շեյթանի գործակալական ցուցմունքները, այնտեղ քանիցս կարելի է հանդիպել Վազգեն Մանուկյանի անվանը: Մասնավորապես, Շեյթանի 1999թ. դեկտեմբերի 15-ի գործակալական ցուցմունքում, որը «գաղտնի-անձամբ» մակագրությամբ ուղարկվել է ՀՀ ՆԳ նախարարին և զինդատախազին, ասված է. «Կալանավոր Մ. Մովսիսյանն ինձ պատմել է, որ քննության ժամանակ իրեն քննիչները արդեն սկսել են առաջադրել չնախատեսված հարցադրումներ և փաստեր: Մովսիսյանն ասել է, որ եթե շարունակվի այսպես ընթանալ քննությունը, ապա հարկավոր է իր դատապաշտպան Կրոմվել Գրիգորյանին ուղարկել Վազգեն Մանուկյանի մոտ: Վ. Մանուկյանը կարող է այս իրավիճակը մեկնաբանել Մուշեղի համար դրական կարգով»: Իսկ մեկ այլ զեկուցագրում, նույն Շեյթանը, 27-ի գործով անցնող մեկ այլ կալանավորի՝ Էդիկ Գրիգորյանի հետ զրույցից հետո զեկուցում է. «Կալանավոր Էդիկ Գրիգորյանն ասաց, որ Նաիրի Հունանյանից իմացել է, որ վերջինս հաճախակի հանդիպումներ է ունեցել Վազգեն Մանուկյանի հետ, այդ թվում՝ նաև իր ընկեր Ալիկի հետ միասին»: 

Այսպիսով, ըստ գործակալ Շեյթանի զեկուցագրերի, Նաիրի Հունանյանը բազմիցս ոչ միայն հանդիպել է ԱԺՄ նախագահի հետ, այլև, ըստ Մուշեղ Մովսիսյանի խոստովանությունների, որ նա արել է Շեյթանի մոտ, Վազգեն Մանուկյանը նախապես խոստացել է հնարավոր օժանդակություն ցուցաբերել Մուշեղ Մովսիսյանին: Ու եթե համադրում ենք վերոնշյալ փաստերը, ինչպես նաև Վազգեն Մանուկյանի անթաքույց բարձր տրամադրությունը 99-ի հոկտեմբերի 28-ին, ապա բնավ էլ տարօրինակ չի թվում, որ վերջինս համառորեն շարունակում է պնդել, թե Նաիրի Հունանյանը ֆանատիկ է: Եթե նա համարձակվի այլ բան ասել, ավելին` հայտարարի, թե կողմ է նրանց մահապատժի ենթարկելուն, որևէ երաշխիք չկա, որ Նաիրին որոշ, ԱԺՄ նախագահի համար խիստ անցանկալի բաներ չի հիշեցնի վերջինիս: Ուստի, «շառից հեռու» տարբերակով, ասուլիսի ժամանակ Վազգեն Մանուկյանը պնդեց իր դիրքորոշումը, թե 27-ի ոճրագործներին չպետք է գնդակահարել: 

Իսկ ընդհանրապես, ԱԺՄ նախագահի նշյալ ասուլիսն ընդդիմադիր քաղաքական գործչի համար, որը պահանջում է Քոչարյանի հրաժարականը և ավելին՝ ցանկանում է նստել նրա տեղը, առնվազն տարօրինակ էր: Նախ, ԱԺՄ նախագահը շատ լուրջ կասկածներ հայտնեց, թե ընդդիմությունը կկարողանա ընտրությունների գնալ միասնական թեկնածուով, այնուհետև հայտարարեց, թե Ռոբերտ Քոչարյանի շանսերը շատ բարձր են և նրա դեմ ընդամենն ընդդիմության փոշիացած քաղաքական դաշտն է: Դա էլ քիչ էր, փառաբանեց ՊՆ նախարարի կազմակերպչական հատկությունները, ասելով, որ Քոչարյանը շատ ճիշտ ընտրություն է կատարել՝ նրան նշանակելով իր նախընտրական շտաբի պետը: 

Ու այսքանից հետո, շարքային ՀՀ ցանկացած քաղաքացու կողմից առնվազն անլուրջ կլինի չհասկանալը, որ ԱԺՄ նախագահն ընդամենը քոչարյանական ամենահիմնավոր «պադստավկան» է: Կամ՝ ականը. ինչպես կուզեք: 

Ս. ԱՎԵՏՅԱՆ 

No 251 (ինտերնետային No411), դեկտեմբերի 3, 2002 թ.



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Ռոբերտ Քոչարյան, Մուշեղ Մովսիսյան, Վազգեն Մանուկյան, Էդիկ Գրիգորյան, Հարություն Գրիգորյան, Նաիրի Հունանյան


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


























37-ի երկրպագուն
37-ի երկրպագուն
07.01.2021 / 4844