ՀՀԿ փոխնախագահ Արմեն Աշոտյանը ֆեյսբուքան իր էջում անդրադառնալով բհկական պատգամավոր Նաիրա Զոհրաբյանի աղմկահարույց տեսանյութին, գրել է.
«Երեկվանից իշխանական ագիտպրոպը, ամենայն հավանականությամբ՝ ԱԱԾ-ի պասով, ծնել է մի տեսանյութ, որում Նաիրա Զոհրաբյանը վիրավորական արտահայտություններ է անում մեր հասցեին:
Մե փնթի խինդ, մե գոջիական վժժոց: Նաիրա Զոհրաբյանը երեկ երեկոյան իր էջում տվեց իր բացատրությունը, որը, բոլոր խնդիրներով հանդերձ, ես անձամբ ընդունեցի»:
«ՉԻ». Օրուելը ղալաթ է արել, թե կկարողանար այսպիսի սյուժե մտցնել իր «Անասնաֆերմայի» մեջ: Նաիրա Զոհրաբյանը դեռևս 2016-ին մի խումբ մարդկանց հետ հանդիպման ժամանակ հայտարարում է, թե 11 տարի խորհրդարանում աշխատել է 70 գլուխ հանրապետական անասունների հետ՝ իրենց անասուն պապաների հետ, Աշոտյանն ասում է՝ սա ԱԱԾ-ի ծնած տեսանյութն է:
Դե, եթե սա ԱԱԾ-ի ծնած տեսանյութն է եղել, 2016-ին ԱԱԾ-ն ձերն է եղել, գնացեք, իրենցից հաշիվ պահանջեք, թե ինչու եք նման տեսանյութ ծնել: Նաիրա Զոհրաբյանը խոսել է ձեր օրոք, դա նկարահանվել է ձեր օրոք, խոսել է ձեր մասին, ներկայիս իշխանությունն ի՞նչ անի, որ դուք ժամանակին այդպես իրար ջերմ «սիրել» եք:
Բայց ամենաուժեղը այն է, որ Նաիրա Զոհրաբյանը ՀՀԿ խմբակցությունը համարել է 70 գլուխ անասունից բաղկացած հոտ, Աշոտյանն ասում է՝ հա լավ, ոչինչ, ընդունում եմ: Լավ եք անում, ախպեր ջան, ընդունեք:
Այս նյութին կցում ենք տեսանյութ: Չէ, չէ, Նաիրա Զոհրաբյանի ելույթը չի, այլ մի դրվագ ՀՀԿ-ԲՀԿ փոխհարաբերություններից: