ԱԺ «Իմ քայլը» խմբակցության պատգամավոր Հայկ Կոնջորյանը խորհրդարանում իր ելույթի ժամանակ ասել է. «Մենք պարզապես հերթական գումարման խորհրդարան չենք, մենք այն խորհրդարանն ենք, որը դարեր շարունակ երազել է մեր քաղաքական վերնախավը»:
«ՉԻ». Մեզ թվում էր, թե պատերազմի ժամանակ մարդիկ սթափվում են, լրջանում, իրենց քայլերը կշռադատում են, հնարավորինս զուսպ ու խոհեմ են դառնում:
Ո՞ւր է մեզ նման բախտ: Գժանոց է, Արցախում կենաց-մահու կռիվ է գնում, սրանք դրել, իրենց գովքն են անում:
Բայց պետք է արժանին մատուցել Հայկ Կոնջորյանին. համեստ է գտնվել, իրենց բացառիկությունը դարերով է չափել: Կարող էր, չէ՞, ասել, որ հազարամյակներ շարունակ մեր քաղաքական վերնախավը նման խորհրդարան չի ունեցել: Էլի լավ ենք պրծել: