ԱԺ ՔՊ խմբակցության ղեկավար Հայկ Կոնջորյանի օգնական Ինեսսա Շահնազարյանը խորհրդարանի տարածքում «փուչիկ փարթի» է կազմակերպել՝ նման կերպ նշելով իր ծննդյան 28-ամյակը:
«ՉԻ». Խորհրդարանում մի 120 պատգամավոր կա: Լավ, ընդդիմությանը հանեցինք, մի 80 իշխանական պատգամավոր: Յուրաքանչյուր պատգամավոր ունի օգնական: Շատերն ունեն երկու օգնական: Լավ, ընդհանուր 100 օգնական:
Էս բոլոր օգնականները մի գեղեցիկ օր ծնվել են: Եթե ծնվել են, ուրեմն ծննդյան օր էլ ունեն: Եթե ծննդյան օր ունեն, ուրեմն կարող են դա նշել խորհրդարանի տարածքում: Տարին 100 անգամ: Ու էս դեռ մենակ ծնունդները:
Բայց չէ՞ որ այդ օգնականները, բացի ծնունդից, նաև կնունք ունեն: Կարող են խորհրդարանի տարածքում կնքվել, տեղի փոքրիկ լողավազանում մկրտվել:
Էս հլը՝ չհաշված հարսանիք, մեղրամիս, երեխայի ծնունդ, շատերը կարող են նաև «մատաղ-փարթի» անել:
Այնպես որ, էդ փուչիկները շատ հեռու մի տարեք, ամեն օր պետք են գալու: