Ալեն Սիմոնյան. Կենդանակերպի նշանը՝ Թուլադ
Այս շաբաթ կշարունակվի շլացուցիչ վերելքը դեպի ապագա:
Երկուշաբթի աշխատանքային հանդիպում Արգիշտի Քյարամյանի հետ. կքննարկվեն տակը մնացած պաշտոնները իրար մեջ բաժանելու և փոխհամագործակցության հարցեր:
Երեքշաբթի կհետաձգեք բյուջեի կատարողականի մասին խորհրդարանական նիստը, քանի որ որպես նախագահի պաշտոնակատար՝ պետական այցով պետք է մեկնեք Սալոնիկ՝ փետրվար ամսվա բացման արարողությանը:
Չորեքշաբթի օրը կմասնակցեք «ՍԻԼ-կոլա» ընկերության ակցիային. «Գնի´ր երկու պաշտոն և երրորդը կստանաս անվճար»:
Հինգշաբթի դատի կտաք Mediabuysnews.fakemake.org.torg կայքին՝ ձեր մասին մի ամիս ոչինչ չգրելու համար:
Ուրբաթ օրը կհայտարարեք տենդեր՝ երկրի անվտանգությունը ապահովող համակարգ ձեռք բերելու համար. C-500-ի փոխարեն նախապատվությունը կտրվի Mercedes C-500-ին:
Շաբաթ-կիրակի մտածեք խորհրդարանից դեպի նախագահական նստավայր տանող նոր եղբայրական ճանապարհ կառուցելու ուղղությամբ: