Անուշ Բեղլոյան. Կենդանակերպի նշանը` դժգույն պոգանկա
Այս համաստեղության տակ ծնվածների համար շաբաթը հագեցած կլինի շրջանաձև իրադարձություններով:
Երկուշաբթի օրը կհայտարարեք, որ տաշին և տուշին հայ-ադրբեջանական բարեկամության սկիզբն է դառնալու:
Երեքշաբթի օրը կմասնակցեք Նիկոլ Փաշինյանի՝ «30 տարվա մենություն» գրքի շնորհանդեսին:
Չորեքշաբթի կպնդեք, որ պատերազմում նաղդ հաղթող էիք, եթե թուրքերը Վիեննայի մատույցներում պարտություն չկրեին:
Հինգշաբթի օրը կհայտարարեք, որ նախկին իշխանությունները ոչ մի բան չեն արել, ու հետևաբար նրանց 30 տարվա բոլոր պարգևավճարները դուք պետք է ստանաք:
Ուրբաթ օրը հանդես կգաք օրենսդրական նախաձեռնությամբ, որ անանուն պատգամավորները պարտավոր են խոսել տարին մեկ անգամ՝ դոլարի օրվա կուրսին համապատասխան:
Շաբաթ և կիրակի օրերին կզբաղվեք բանակ, տնտեսություն, արդյունաբերություն և բարեկամության միջանցքներ հիմնադրելով:
«Չորրորդ իշխանություն», թիվ 5, 2021