Արամ Գաբրիելյանով. Կենդանակերպի նշանը՝ Կրեմլի Դոգ
Շաբաթը կանցնի այնպես, ինչպես անցել է վերջին երեք ամիսներին: Ռուսաստանը կհանգստանա ձեզանից, Հայաստանը՝ կշարունակի հոգնել:
Երկուշաբթի հրատապ ինֆորմացիա կհայտնեք՝ Նիկոլ Փաշինյանը 2018 թվականին հրաժարական է տվել:
Երեքշաբթի կներկայացնեք խիստ էքսկլյուզիվ տեղեկատվություն: Նիկոլ Փաշինյանը անձամբ հարբեցնում է ռուս խաղաղապահներին, որպեսզի նրանք չկարողանան իրականացնել իրենց վրա դրված գործառույթները:
Չորեքշաբթի ձեզ պատկանող Lifenews լրատվականը կներկայացնի խիստ հավաստի աղբյուրների վրա հիմնված տեղեկատվություն՝ Փաշինյանը արդեն երկու տարի է, ինչ նախընտրում է «Աղդամ» մակնիշի կոնյակ, իսկ վրացական լիմոնը փոխարինել է Թուրքիայից բերված լիմոնով:
Հինգշաբթի հիանալի օր է սպասվում: Երևանից տեղ կհասնի ոչ միայն ֆինանսական օգնությունը, այլ նաև մի քանի արկղ կոնյակը: Վիկտոր Սողոմոնյանը դրանք հատուկ սիրով է ընտրել:
Ուրբաթ կբողոքեք Սոլովյովի ոչ բարեխիղճ մրցակցությունից: Կպահանջեք, որ հայկական մեդիա տիրույթից հեռացնեն վարձկաններին: Ազգությամբ ոչ հայերը իրավունք չունեն մասնակցելու մեդիա տեռորին:
Շաբաթ և կիրակի անցկացրեք տանը: Կրկնում ենք՝ տանը և ոչ թե Փաշինյանի տանը: Անգամ մեդիա ահաբեկիչներին է երբեմն հանգիստ անհրաժեշտ:
Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
Նմանատիպ նյութեր
