Դոնալդ Թրամփ. Կենդանակերպի նշանը՝ Սպիտակ աղվես
Այս շաբաթը հագեցած կլինի ազգափրկիչ իրադարձություններով։
Երկուշաբթի օրը կհայտարարեք, որ չեք ճանաչում նախագահական ընտրությունների արդյունքները, քանի որ դուք չեք ընտրվել նախագահ:
Երեքշաբթի կպահանջեք բացել Վաշինգտոնի, Լաս Վեգասի և Սան Ֆրանցիսկոյի ընտրատեղամասերի քվեատուփերը և վերահաշվարկ կատարել:
Չորեքշաբթի օրը ԱՄՆ-ի Կոնգրեսի շենք մտնելուց առաջ կդիմեք ձեր համախոհներին. «Եթե 20 րոպեից չվերադառնամ, եկեք իմ հետևից», իսկ երեկոյան՝ ձեր կողմնակիցները Կոնգրեսի ճաղերը կջարդեն և կներխուժեն շենք:
Հինգշաբթի օրը Կոնգրեսի փոխնախագահի գլուխը ջարդելու համար ձեր նկատմամբ հետախուզում կհայտարարվի:
Ուրբաթ օրը կհրապարակեք ձեր մանիֆեստը՝ «My struggle» և ձեզ կհռչակեք միասնական ընդդիմության առաջնորդ:
Շաբաթ և կիրակի օրերին ամերիկյան փրկության կոմիտեի անունից Սպիտակ տան առջև անժամկետ պայքար կսկսեք Սորոսի դեմ: Եվ հիշեք. աստղային հիվանդությունը ամենուրեք նույն ախտանիշներն ունի:
«Չորրորդ իշխանություն», թիվ 1, 2021