Գևորգ Գորգիսյան. Կենդանակերպի նշանը՝ Խև Գևարա:
Այս համաստեղության տակ ծնվածների համար շաբաթը կանցնի հեղափոխական բուռն զարգացումների ներքո:
Երկուշաբթի օրը ձեր պաշտոնական զզվանքը կհայտնեք հեղափոխությունների հանդեպ. հատկապես՝ 1789թ. Ֆրանսիական, 1917թ. Փետրվարյան և 2018թ. ապրիլյան:
Երեքշաբթի մարդկանց խորհուրդ կտաք կորոնավիրուսի դեմ պայքարում ոչ թե դիմակներ կրել, այլ՝ թաշկինակներ:
Չորեքշաբթի Ազգային Ժողովում կհայտարարեք, որ հիմա սատանաների իշխանությունն է թագավորում և՝ ինչպես Հին Կտակարանում է նշված, միայն Միքայել հրեշտակապետը կհաղթի Սատանային (Հայտնություն, 12, 7-9):
Հինգշաբթի օրը իշխանափոխության հոտ կզգաք և վերջին տասը տարվա ընթացքում առաջին անգամ թաշկինակը կհանեք քթից:
Ուրբաթ օրը դատի կտաք ժողովրդին՝ ձեր հեղափոխական անցյալը, ներկան ու ապագան բանի տեղ չդնելու համար:
Շաբաթը և կիրակին կանցկացնեք բազմամեկուսացման մեջ. «բայց զգոյշ կացէք, որ մի գուցէ անօրէնների մոլորութիւնովը յափշտակուելով ընկնէք ձեր հաստատութիւնիցը»:
«Չորրորդ իշխանություն», թիվ 25, 2020