Գագիկ Ջհանգիրյան. Կենդանակերպի նշանը՝ նախրապան:
Այս համաստեղության տակ ծնվածների համար շաբաթը հագեցած կլինի կադրային իրադարձություններով:
Երկուշաբթի օրը News-ը ձեզ կնշանակի արդարադատության նախարար. երեկոյան՝ ճանապարհների փակում, ինքնահրկիզման 2 դեպք:
Երեքշաբթի Tert-ը պաշտոնապես կչեղարկի ձեզ արդարադատության նախարար նշանակելու հրամանագիրը և կնշանակի ՀՀ գլխավոր զինդատախազ:
Չորեքշաբթի օրը «Հայրենիքը», ԲՀԿ-ն և ՀՅԴ-ն բողոք կներկայացնեն զինդատախազություն և «Россия-1»՝ պահանջելով ձեր հրաժարականը:
Հինգշաբթի օրը «5-րդ ալիքը» ձեզ պաշտոնանկ կանի և կառաջարկի ՀՀ գլխավոր դատախազի և Մարտի 1-ի գործով գլխավոր մեղադրողի պաշտոնը:
Ուրբաթ օրը Hayeli-ն կմերժի գլխավոր դատախազ նշանակելու առաջարկը և ձեզ ՍԴ նախագահ կկարգի՝ մինչև Հրայր Թովմասյանի արձակուրդի ավարտը:
Շաբաթ և կիրակի զբաղվեք պաշտոնների կատալոգն ուսումնասիրելով. փորձեք գտնել ձեր նոր պաշտոնը:
«Չորրորդ իշխանություն», թիվ 16, 2020