Հայկ Մարտիրոսյան. Կենդանակերպի նշանը՝ Քուռիկ
Այս համաստեղության տակ ծնվածների համար շաբաթը խիստ բոցավառ կլինի աշխատանքով:
Երկուշաբթի օրը ասուլիսում կներկայացնեք Գրավիտացիոն մատերիայի էլեկտրաչեզոքության ազդեցությունը ղարաբաղյան կարգավորման բանակցային գործընթացում:
Երեքշաբթի օրը կհայտարարեք, որ Բաքուն գրավելու համար ընդամենը մի բան է պետք՝ Բաքուն գրավել:
Չորեքշաբթի օրը խիստ քննադատության կենթարկեք ԵԱՀԿ Մինսկի խմբի համանախագահներին, որ առանց ձեր հետ համաձայնեցնելու հայտարարություն են տարածել:
Հինգշաբթի օրը կպնդեք, որ Սևրի պայմանագիրը պետք է *.pdf սարքել, որ ոչ ոք չկարողանա այն սրբագրել:
Ուրբաթ օրը կհրապարակեք «Եթե աշխարհը չլիներ, մեր դեմ խաղ չէր լինի» ռազմաքաղաքագիտական խորը վերլուծությունը:
Շաբաթ և կիրակի օրերին զբաղվեք կորոնավիրուսի աճի ներքաղաքական զարգացումների ուսումնասիրությամբ. հնդկական շտամը չքննադատեք. մեր աստղային դաշնակիցն է: