Մարգարիտա Սիմոնյան. Կենդանակերպի նշանը՝ Птичка-невеличка:
Այս համաստեղության տակ ծնվածների համար շաբաթը հագեցած կլինի հզորագույն իրադարձություններով:
Երկուշաբթի օրը կհերքեք այն լուրերը, թե Russia Today-ը ազգակցական կապ ունի Yerevan Today-ի հետ:
Երեքշաբթի կհայտարարեք, որ Հայաստանում ձեր դեմ արշավը կազմակերպել են նավալնականները:
Չորեքշաբթի օրը հպարտությամբ կհրապարակեք ձեր աջակիցների ցուցակը. նրանց քանակով պարզ կդառնա, թե քանի անգամ եք ամուսնացել նույն մարդու հետ:
Հինգշաբթի օրը ձեր բոլոր ընկերներին, բարեկամներին ու կողքի շուկայի մսավաճառներին գրություն կուղարկեք. «Barev dzez, vor xndrem, sa cheq layki?»:
Ուրբաթ օրը Կոռուպցիայի կանխարգելման հանձնաժողովից ձեզ կզանգեն. տրամադրության անկում, դեպրեսիա, երեկոյան՝ ջղաձգումներ, հիստերիա:
Շաբաթ և կիրակի զբաղվեք Տիգրան Քեոսայանին զորակցություն հայտնելով, և հիշեք. աստղերը հուշում են, բայց չեն լայքում:
«Չորրորդ իշխանություն», թիվ 19, 2020