Նաիրա Զոհրաբյան. Կենդանակերպի նշանը՝ Սուս-լիկ:
Այս համաստեղության տակ ծնվածների համար շաբաթը հագեցած կլինի պայծառ իրադարձություններով:
Երկուշաբթի օրը կդատապարտեք Նիկոլ Փաշինյանին, որ թաքուն ղազագիր է ստորագրել:
Երեքշաբթի օրը՝ ընդդեմ իշխանությունների վարած ազգադավ քաղաքականության, հրապարակավ կպատռեք Գագիկ Ծառուկյանին ուղղված ղազագիրը:
Չորեքշաբթի օրը կհայտարարեք, որ միայն արյամբ կա հային փրկություն:
Հինգշաբթի օրը ստիպված կլինեք արյուն հանձնել հիվանդանոցում, որ քննչական մարմիններին ցույց տաք, թե ինչ եք նկատի ունեցել չորեքշաբթի օրը:
Ուրբաթ օրը Արյունաբանական կենտրոնը կվերադարձնի ձեր արյունը՝ պարզաբանելով, որ ոսկու և ադամանդի պարունակությունն արյան մեջ գերազանցում է սահմանված նորմերը:
Շաբաթ և կիրակի օրերին կուսակցական ուսումնավարժական պարապմունքներ անցկացրեք. սեղան ու լյուստրա ջարդեք, բայց աթոռին ձեռ չտաք` կարող է հետո ձերը լինել:
«Չորրորդ իշխանություն», թիվ 36, 2020