06.03.2021   10:00
503

Վազգեն Մանուկյանի երազը


Ինքը Ավանի հոգեբանական դիսպանսերում է: Ազգային փրկիչների բաժանմունքում հատուկ սենյակ են հատկացրել: Դռան վրա ցուցանակ է փակցված. «Տառապում է ազգը փրկելու մոլուցքով: Հիվանդության ախտանիշները ի հայտ են եկել 1990-ականներին: Հիվանդությունը վերջին 25 տարում խորացել է: Պարբերաբար հիվանդասենյակի ճաղերը ջարդելու նոպաներ են առաջանում: Ձեռքով չդիպչել. կարող է կտրուկ գործողությունների դիմել»:

Դիսպանսեր են մտնում ԵԱՀԿ Մինսկի խմբի համանախագահները՝ բաժանմունքում մոնիտորինգ անցկացնելու նպատակով: Բաժանմունքի վարիչը համանախագահներին հերթով ներկայացնում է հիվանդներին: «Խնդրեմ, մեր պացիենտներից Ռոբերտը: Ծանր դեպք է: Չէ, չէ, չէ, չէ, մի բարևեք, դա նրա մոտ կատաղություն է առաջացնում:

Զերծ մնացեք նաև «հաղթանակ», «պետություն» և «ժողովուրդ» բառերն ասելուց, դա նրան հոգեխանգարմունքի է հասցնում»,- զգուշացնում է վարիչն ու ասում. «Ռոբերտ, արի, քո հետ ուզում են խոսել»:

«Չեմ կարող, թրաշված չեմ»,- պատասխանում է Ռոբերտը, նստում մահճակալին, բարձը վերցնում ու սկսում է վերմակի մեջ խոթել: «Այդ ի՞նչ եք անում»,- հարցնում է համանախագահներից մեկը: «Հեչ, փորձում եմ բարձը ինտեգրել վերմակին: Դա է ազգիս փրկությունը»,- ասում է Ռոբերտն ու ձեռքով բարձը «տրամբովկա» անում:

«Ա՜»,- ծոր է տալիս համանախագահներից մյուսը և ասում. «Ռոբերտ ջան, ձեր համար բանբաներկա եմ բերել, վերցրեք»: Ռոբերտը վերցնում է, ուրախությունից թռչկոտում:

«Անցնենք առաջ»,- ասում է վարիչը. «Սա էլ Իշխանի սենյակն է: Իրեն թվում է, թե ինքը 130 տարեկան է: Տառապում է Ստամբուլի համախտանիշով: Ամեն օր կանգնում է մահճակալին, ելույթ ունենում: Ազգային փրկության խանգարում ունի: Ի՞նչ: Հա, էդ ձեռքինը խաղալիք «Մաուզեր» է: Առանց դրա իրեն մարդ չի համարում ու նոպայի մեջ է ընկնում»:

«Իսկ սա Նառայի սենյակն է: Խնդրում եմ, սուս մնացեք, թե չէ կչանգռի»:

Մոտենում են հաջորդ պալատին: Ներս են նայում: Պատերն ամբողջությամբ պատված են սրբապատկերներով: Պալատի մի անկյունում խոհանոցային պարագաներ են, թեյնիկ, «Արիել» լվացքի փոշի ու մի տրցակ թղթապանակներ: «Այս պացիենտը իրեն համարում է Հռոմի Պապը: Փորձում է լայվով փրկել աշխարհը»: 

«Բա այն ի՞նչ տարօրինակ սենյակ է»,- հարցնում է համանախագահներից մեկը: «Դա սենյակ չէ,- պատասխանում է վարիչը,- բունկեր է: Այս պացիենտը ազգի առաջնորդի մանյա ունի: Չենք կարողանում դարձի բերել: Շատ վտանգավոր քայլերի է ունակ: Մի անգամ մեր անուշադրության պատճառով դուրս եկավ փողոց, քայլելու ընթացքում այնպիսի իրարանցում ստեղծեց, մինչև հիմա տակից դուրս չենք գալիս: Բուժում ենք աղաթթվի 10 տոկոսանոց լուծույթով»:

«Իսկ հարցեր կարելի՞ է տալ»,- հարցնում են համանախագահները:

«Այո, իհարկե»,- պատասխանում է վարիչը: 

«Ո՞նց եք»,- հարցնում է համանախագահներից մեկը: Սակայն հիվանդի փոխարեն պատասխանում է Տիգրան Ավինյանը: «Լավ ենք»: «Ինչի՞ց եք դժգոհում»,- հարցնում է երկրորդ համանախագահը: «Նախկիններից, ներկաներից ու ապագաներից»,- պատասխանում է Ավինյանը: 

«Իսկ ինչո՞ւ նա չի պատասխանում»,- հարցնում է երրորդ համանախագահը: «Զբաղված է, մահճակալն է զոդում»,- ասում է Ավինյանը:

Ինքը այս ամենին հետևում է, չի դիմանում, ճաղերը ջարդում է ու հարձակվում համանախագահների վրա. «Եկեք իմ հետևից, ջարդեք սրանց գլուխները, մի հապաղեք»:

Վարիչը տագնապի ազդանշանը միացնում է, բաժանմունք են ներխուժում Օնիկ Գասպարյանն ու 40 գեներալները, մեշոկը հագցնում գլխին:

Արթնանում է Բաղրամյան 27 պալատում:

«Չորրորդ իշխանություն», թիվ 9, 2021



Համաձայն «Հեղինակային իրավունքի և հարակից իրավունքների մասին» օրենքի՝ լրատվական նյութերից քաղվածքների վերարտադրումը պետք է չբացահայտի նյութի էական մասը: Կայքի նյութերից քաղվածքներ արտատպելիս լրատվամիջոցի անվանման նշումը և ակտիվ հղումի տեղադրումը պարտադիր է:
Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

 Պիտակներ

         «Չորրորդ իշխանություն», Վազգեն Մանուկյան, Նաիրա Զոհրաբյան, Ռոբերտ Քոչարյան, Նիկոլ Փաշինյան, Միքայել Մինասյան, Տիգրան Ավինյան, Իշխան Սաղաթելյան


››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված





























Ցինիկ և տխմար
Ցինիկ և տխմար
13.04.2021 / 578


Ստոպ-կադր
Ստոպ-կադր
11.04.2021 / 550















Հերքում
Հերքում
12.04.2021 / 480