Վահագն Չախալյան. Կենդանակերպի նշանը՝ Չախկալ:
Այս համաստեղության տակ ծնվածների համար շաբաթը հագեցած կլինի ազգափրկիչ իրադարձություններով:
Երկուշաբթի օրը կհայտարարեք, որ Ստամբուլը պետք է կոնվենցիայի ծով դարձնել:
Երեքշաբթի օրը ձեզ բերման կենթարկեն ոստիկանության մոտակա բաժին ու ստիպված բաց կթողնեն, քանի որ կպարզվի, որ դուք ռուսահայ վրացու անձնագիր ունեք:
Չորեքշաբթի օրը Արայիկ Հարությունյանից կպահանջեք, որ առանց հայոց լեզվի տիրապետման ոչ ոք պետական պաշտոն չստանա. երեկոյան քոչարյանականները ձեզ դալանում քացու տակ կգցեն:
Հինգշաբթի կպահանջեք, որ առանց ռուսերենի տիրապետման ոչ ոք պետական պաշտոն չստանա. երեկոյան՝ ֆինանսական գործերի բարելավում, բարձր տրամադրություն:
Ուրբաթ օրը կիմանաք, որ Սաակաշվիլին Վրաստան է վերադարձել. տրամադրության անկում, դեպրեսիա:
Շաբաթ և կիրակի օրերին միացեք այն քաղաքացիների ակցիային, որոնք ուզում են Ռուսաստան գնալ. հիշեք, աստղերը հուշում են, բայց չեն ծակվում:
«Չորրորդ իշխանություն», թիվ 26, 2020