Երեքշաբթի 07.12.2021 15:29

26.10.2021   19:00
1614

Թաքուն գնացել էիր, որ ի՞նչ անեիր


2021 թվականի հուլիսի 6-ին ԱՄՆ-ում կյանքից հեռացել է ՀՀ ժողովրդական արտիստ, դուդուկահար Ջիվան Գասպարյանը:

Նույն օրը, ընդգծում ենք` նույն օրը, վարչապետի պաշտոնակատար Նիկոլ Փաշինյանը ցավակցական հեռագիր է հղել Ջիվան Գասպարյանի մահվան կապակցությամբ.

«Խոր ցավով տեղեկացա աշխարհահռչակ դուդուկահար Ջիվան Գասպարյանի մահվան մասին:

Անվանի վարպետը ողջ ստեղծագործական գործունեության ընթացքում հայկական ծիրանափողի փառքը տարածել է աշխարհով մեկ` հանդես գալով հեղինակավոր բազմաթիվ բեմերում, հայկական երաժշտության հնչյունները ներկայացնելով հայտնի ֆիլմերում, համագործակցելով հռչակավոր կոմպոզիտորների, համաշխարհային ճանաչում ունեցող երաժիշտների հետ:

Մեր ողջ ժողովուրդը և աշխարհի երաժշտասեր հանրությունը Ջիվան Գասպարյանին, որպես մտավորական և հայի բացառիկ կերպար, դասել է համաշխարհային արվեստի մեծերի շարքում, որով մենք հպարտացել ու ոգեշնչվել ենք:
Վիլյամ Սարոյանը Ջիվան Գասպարյանի նվագը լսելուց հետո ասել էր՝ «Ջիվան ջան, սա նվագ չէ, այլ աղոթք է»: Վարպետի կատարումներով աղոթքներն ընդմիշտ կմնան ոչ միայն հայ, այլև ողջ աշխարհի արվեստասերների սրտերում ու հիշողություններում»:

Հուլիսի 15-ին վարչապետի պաշտոնակատար Նիկոլ Փաշինյանը Ջիվան Գասպարյանի թաղման հանձնաժողով ստեղծելու և դրա անհատական կազմը հաստատելու մասին որոշում է ստորագրել:

Հուլիսի 24-ին,  վարչապետի պաշտոնակատար Նիկոլ Փաշինյանը «Արամ Խաչատրյան» համերգասրահում մասնակցել է Ջիվան Գասպարյանի վերջին հրաժեշտի արարողությանը:

Ջիվան Գասպարյանի աճյունն ամփոփվել է Կոմիտասի անվան պանթեոնում։

2021 թվականի օգոստոսի 26-ին կյանքից հեռացել է ՀՀ ժողովրդական արտիստ, կոմպոզիտոր Վլադիլեն Բալյանը:

1 օր անց՝ օգոստոսի 27-ին, վարչապետ Նիկոլ Փաշինյանը ցավակցական հեռագիր է հղել Վլադիլեն Բալյանի մահվան կապակցությամբ.

«Խոր վշտով տեղեկացա Հայաստանի Հանրապետության ժողովրդական արտիստ, կոմպոզիտոր Վլադիլեն Բալյանի մահվան մասին:

Վլադիլեն Բալյանն իր երկարատև գործունեության ընթացքում ստեղծագործել է տարբեր ժանրերում՝ սիմֆոնիկ, կամերային, երգչախմբային, հեղինակել բազմաթիվ երգեր, որոնք հայկական երգարվեստի հարուստ ժառանգության մեջ զբաղեցնում են իրենց ուրույն տեղը, սիրված են ժողովրդի կողմից: Անգնահատելի է մեծանուն կոմպոզիտորի ավանդն ու վաստակը հայ երգարվեստի զարգացման գործում:

Մեր ողջ ժողովուրդը Վլադիլեն Բալյանին որպես մտավորական դասել է հայ երգարվեստի մեծերի շարքում, որի ստեղծագործություններով բոլորս ոգեշնչվել ենք»:

Նույն օրը՝ օգոստոսի 27-ին, ՀՀ կրթության, գիտության, մշակույթի և սպորտի նախարարությունը տեղեկացրել է, որ Վլադիլեն Բալյանի մահվան կապակցությամբ ՀՀ վարչապետի որոշմամբ կստեղծվի հուղարկավորության կառավարական հանձնաժողով:

4 օր անց՝ օգոստոսի 30-ին, Նիկոլ Փաշինյանի որոշմամբ ստեղծվել է Վլադիլեն Բալյանի հուղարկավորության հանձնաժողով: Հանձնաժողովի նախագահ է նշանակվել ԿԳՄՍ նախարար Վահրամ Դումանյանը: Հրապարակվել է հանձնաժողովի կազմը:

2021թ. հոկտեմբերի 15-ին կյանքից հեռացել է Հայաստանի Երրորդ Հանրապետության հիմնադիրներից մեկը՝ Վանո Սիրադեղյանը:

5 օր անց՝ հոկտեմբերի 20-ին, ՀՀ կառավարության լրատվության վարչությունը հայտնել է, որ Վանո Սիրադեղյանի հուղարկավորության կազմակերպման նպատակով կստեղծվի կառավարական հանձնաժողով։

9 օր անց՝ հոկտեմբերի 24-ին, Կառավարության մամուլի ծառայությունը հաղորդագրություն է տարածել, որ վարչապետ Նիկոլ Փաշինյանն այցելել է Վանո Սիրադեղյանի ընտանիքին, ցավակցություն հայտնել պետական գործչի և գրողի մահվան կապակցությամբ, իր զորակցությունը փոխանցել ընտանիքի անդամներին:

Ձեզ ներկայացրել ենք այս տարի երեք հայտնի մարդկանց մահվան և դրան հետևած՝ կառավարության, մասնավորապես՝ Նիկոլ Փաշինյանի արձագանքի, օպերատիվության, համապատասխան որոշումների ժամանակագրությունը: Չոր փաստեր են, կարող եք համեմատել, թե որի դեպքում իշխանություններն ինչպես են իրենց դրսևորել: Որ ուրիշ բան այլևս չգրենք, այսքանը բավարար է, որպեսզի հասկանալի լինի Նիկոլ Փաշինյանի և իր թիմի վարքագիծը Վանո Սիրադեղյանի հանդեպ: Առաջին երկուսի դեպքում՝ ցավակցական հեռագրեր, սրտաճմլիկ տեքստեր, կառավարական հանձնաժողովներ ստեղծելու մասին որոշումներ և այլն: Վանո Սիրադեղյանի դեպքում՝ հանձնաժողով ստեղծելու մասին ՄՏԱԴՐՈՒԹՅՈՒՆ: Մեկ էլ, որ Նիկոլ Փաշինյանը գնացել է Վանոյենց տուն: 

Ընդ որում՝ գնացել է ուշ գիշերով, գողեգող, որ մարդ չիմանա, մարդ չտեսնի, այն աստիճան, որ լրատվամիջոցների մի մասը Վանո Սիրադեղյանի ընտանիքին այցելելու մասին լուրը հրապարակել է հոկտեմբերի 24-ին՝ ուշ գիշերին, ավելի մեծ մասը՝ կեսգիշերից հետո: Որ հնարավորինս շուխուրը քիչ լինի: Իհարկե, հասկանալի է, որ դա էլ գնացել է զուտ «գալոչկա» դնելու համար, մարդը մահացել է, 9 օր հետո ցավակցելս ո՞րն է:

Դրա համար էլ Վանո Սիրադեղյանի կինն ասաց՝ ես ինքս կհոգամ Վանոյին հայրենիք բերելու հարցերը, ձեր «գալոչկաները» ձեզ պահեք: Դրա փոխարեն ավելի լավ է, Վանո Սիրադեղյանի հասցեին «ֆեյքերի» հարձակումները դադարեցնեիք:

Մենք այս օրերին հետևել ենք, թե մեր հրապարակումների կամ այլ լրատվամիջոցների նյութերի տակ ովքեր և ինչեր են գրում: Վանո Սիրադեղյանի մասին այդ զառանցանքները, նրան վերագրվող տարատեսակ հանցագործությունները, «բա որ Վանոն էս էր արել, էն էր արել» կարգի գրառումները հիմնականում սոցցանցերում տարածում են իշխանությունների և Ռոբերտ Քոչարյանի ֆեյքերը: Հատուկ մտնում ենք դրանց էջերը, ստուգում. կամ Նիկոլ Փաշինյանի «դուխով» ինչ-որ լուսանկար է տեղադրված՝ իրենց նկարի փոխարեն, կամ՝ Ռոբերտ Քոչարյանի:

Էս, ուղղակի, որ հասկանալի լինի, թե այս երկուսը մինչև հիմա ոնց են խրտնում Վանո Սիրադեղյանից: Բառապաշարը, տեքստերը, ոճը... լրիվ նույնն է: Ոնց որ մեկը մեկից քոփի անեն, տարածեն:  

Բա մեկը չլինի՞, ասի՝ արա, մեջներդ մի գրամ նամուս չկա՞, գոնե հիմա ձեր մանրությունը, ճղճիմությունը ձեզ պահեք: Չէ, չկա: Բարով-խերով իրար մեջ են բաժանել քաղաքական դաշտը, հայրենիք-հայրենիք են խաղում:



 Պիտակներ

         Վանո Սիրադեղյան, Ջիվան Գասպարյան, Նիկոլ Փաշինյան, Վլադիլեն Բալյան, Ռոբերտ Քոչարյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները