ԱԺ պետաիրավական հարցերի հանձնաժողովի նախագահ Վլադիմիր Վարդանյանը՝ անդրադառնալով Ադրբեջանի նախագահի հայտարարությանը, որ մինչև Հայաստանը չփոխի Սահմանադրությունը, խաղաղության համաձայնագիր չի ստորագրվի, լրագրողների հետ զրույցում ասել է. «Ես Իլհամ Ալիևին չեմ մեկնաբանում»:
«ՉԻ». Էն էլ ոնց եք մեկնաբանում: Համարյա ակնթարթորեն:
Ալիևն ասում է՝ փոխեք Սահմանադրությունը, ասում եք՝ հա ժամանակն է, որ Սահմանադրությունը փոխվի, մոդայից հետ է ընկել:
Ալիևն ասում է՝ ձեր զինանշանը դուրս չի գալիս, ասում եք՝ հա, մեր դուրն էլ չի գալիս, մանավանդ առյուծը, տապանը, սուրը, ու մեկ էլ մի քանի մանր-մունր շտրիխներ:
Ալիևն ասում է՝ ձեր ռազմական դոկտրինը լավ չի, ասում եք՝ նոր ժամանակներ են եկել, դոկտրինը մի քիչ թարմացնել է պետք:
Բա էլ մեկնաբանելը ո՞նց է լինում: