Միքայել Մինասյանը ֆեյսբուքի իր էջում գրել է. «Մենք խոսում ենք մի «չմարդու» մասին, որն արդեն ապացուցեց, որ հասկանալով և գիտակցելով՝ 2018թ.-ի մայիսից վիժեցրել է խաղաղ բանակցությունները, լեգիտիմացրել է ագրեսորի կողմից պատերազմ սկսելու փաստը՝ մենակության ու դիվանագիտական թշվառության մեջ թողնելով Հայաստանը մինչև այսօր: Ահա սրա մասին է այսօրվա ձայնագրությունը: Իսկ ՀԱՊԿ անդամների մոտ «գիժ խաղալու», 0 հեղինակություն ունենալու և զրոյացված երեսնամյա դիվանագիտական աշխատանքի մասին ավելորդ եմ համարում խոսել»:
«ՉԻ». Տեսնես Միքայել Մինասյանը գիտակցո՞ւմ է, որ բոլոր այն մեղադրանքները, որոնք շռայլում է Փաշինյանի հասցեին, հավասարապես, իսկ գուցե մի քիչ ավելի, կարելի է ուղղել աներոջը:
Լավրովի պլանը ծնվել է Փաշինյանի՝ իշխանության գալուց շատ ավելի վաղ: Այդ ծրագիրը մերժվել է Սերժ Սարգսյանի կառավարության կողմից, և արդյունքում Հայաստանը Ապրիլյան պատերազմ է ստացել:
Հանրագումարում ակնհայտ դարձավ՝ Հայաստանը ոչ ռազմական և ոչ էլ դիվանագիտական առումով պատրաստ չէ պատերազմի: Բայց դա էլ չկանգնեցրեց Սարգսյանին, քանի որ երկու տարի հետո կառավարման շրջանը երկարաձգելու խնդիր ուներ: Նա հասկանում էր, որ 2016-ին կամ 17-ին Լավրովի պլանն ընդունելու դեպքում նախագահի աթոռից վարչապետի աթոռին բազմելու շանս չի ունենա:
Հ.Գ. Ստատուս գրելու փոխարեն աներոջդ խորհուրդ տայիր ձայնագրության որոշ հատվածներ փակեր և տեղադրեր՝ տու...-տու...: Խոստացված դարի սկանդալը գոնե մի քիչ ինտրիգային կլիներ: