Հայաստանում շատերին զայրացրել է ՀՀ-ում ԱՄՆ-ի արտակարգ և լիազոր դեսպան Քրիստինա Քվինի այն հայտարարությունը, ըստ որի՝ Ադրբեջանի կազմում ԼՂ-ի գոյությունը հավատ է ներշնչում:
«ՉԻ». Քրիստինա Քվինը Հայաստանում ԱՄՆ-ի շահերն է հետապնդում, ոչ թե հայ ժողովրդի: Սա՝ մեկ:
Երկրորդն էլ. ինչի՞ եք թռել դեսպանի դեմքին, եթե նույն բանը՝ դեռ ավելի հստակ ու միանշանակ, հայտարարում են իշխանությունները:
Երեկ չէ՞ր, որ ԱԺ ՔՊ խմբակցության պատգամավոր Մարիա Կարապետյանը ԵԱՀԿ ԽՎ 30-րդ նստաշրջանում հայտարարեց, թե ճանաչում է Արցախը որպես Ադրբեջանի մաս: Դրանից առաջ Նիկոլ Փաշինյանը մի միլիոն անգամ նույնն է ասել:
Հիմա դեսպանից պահանջել, որ նա ՀՀ իշխանություններից ավելի կաթոլիկ լինի... ի՞նչ, պիտի ասի՝ չէ, ես համաձայն չեմ Փաշինյանի հետ, սպասեք, մե՞նք ենք որոշում: