...

Բայց շատ անհասկացող ժողովուրդ դուրս եկանք

Բայց շատ անհասկացող ժողովուրդ դուրս եկանք

ԱԺ փոխնախագահ Լենա Նազարյանը՝ «Մեդիա Կենտրոնի» հետ հարցազրույցում անդրադառնալով հայ ռազմագերիների խնդրին, ասել է. «Իսկ միգուցե մեր հանրությո՞ւնը Ադրբեջանին ավելի շատ պահանջներ ներկայացնի: Մե՞նք ենք պատանդ պահել»:

«ՉԻ». Իսկականից, էլի: Ի՞նչ եք կպել այս իշխանություններից: Իրենք ի՞նչ կապ ունեն հայ ռազմագերիների հետ: Հո հայ զինվորներին «Իմ քայլի» գրասենյակներո՞ւմ չեն պահում: Բաքվում են պահում, գնացեք, Բաքվից էլ պահանջեք: Թողեք, թող սրանք ապագա կառուցեն: 

Կամ որ ադրբեջանցիները մտնում են մեր տարածքներ, հովիվ ծեծում, զինվոր գերեվարում, հենակետեր կառուցում, ի՞նչ է, իշխանություննե՞րն են դա անում: Չէ, էլի էդ Ադրբեջանը: Պետք է ազգովի հավաքվել, գնալ սահման և ասել. մենք պահանջում ենք, որ դուք դուրս գաք մեր տարածքներից:

Մարդիկ ասում են՝ մենք անգործունյա ենք, անմեղսունակ ենք, մեզանից յան տվեք, չի հասկանում այս հանրությունը: Կպրշկվել է, թե վերադարձրու հայ ռազմագերիներին: Շատ անհասկացող հանրություն է: 

#Tags / Պիտակներ

ՎԱՐԿԱՆԻՇ

   2104 ԴԻՏՈՒՄ

Տարածեք

ՆՄԱՆԱՏԻՊ ՆՅՈՒԹԵՐ
Դեպի ՎԵՐ