- Պարոն Մարգարյան, ինչո՞ւ եք պարտիզանական ջոկատներ ստեղծում:
- Հետաքրքիր ժողովուրդ եք, միանգամից վատ բան եք մտածում: Կոլումբիայի մարքսիստական ուժերն էլ պարտիզանական ջոկատներ ունեն: Բայց այն առաջնահերթ ծառայում է նարկոտրաֆիկի անխափան աշխատանքին: Այնպես որ՝ անպայման չէ իշխանությունը տապալելու նպատակ հետապնդենք:
- Ինչո՞ւ հենց հիմա առաջացավ այդ անհրաժեշտությունը:
- Չգիտեմ, հարցրեք նրանցից, ովքեր փորձում են ջարդել Սյունիքով անցնող նարկոտրաֆիկի ողնաշարը: Միայն զբաղված են տարիներով ու քրտինքով ստեղծված ինստիտուտների ողնաշարները ջարդելով: Գոնե գիտե՞ն, թե որքան նվիրյալ դաշնակցականներ են տարիներով աշխատել, որ մենք էլ ունենանք մեր տրանզիտը, չկտրվենք համաշխարհային գործընթացներից: Բայց իրենք միայն մեկ բան գիտեն՝ ասֆալտին փռել, թաթիկներ կոտրել ու ողնաշար ջարդել:
- Փաշինյանն ասում է, որ Դաշնակցությունը ունի 0 ազդեցություն:
- Նա ժողովրդավար մարդ չէ: Նա չի ցանկանում հաշվի առնել յուրաքանչյուր քաղաքացու գործոնը: Ինչպես թե մենք չունենք ազդեցություն: Գոնե գիտի՞, թե վերևում նշված բիզնեսում որքան քաղաքացի է ներգրավված, գիտի՞ «Մեղեդի» սրճարանում որքան աշխատող կա, գիտի՞ «Վալեմում» քանի մերսող ու խոհարար կա: «Երկիր Մեդիայի» աշխատակազմի մասին պարզապես լռում եմ:
- Այդ դեպքում ինչո՞ւ է Արայիկ Հարությունյանի դեմ բողոքի ակցիաներին մասնակցում 20 հոգի:
- Նախ 20 չի եղել, եթե 20 էր, ապա ինչպես 24 հոգու բերման ենթարկեցին: Երկրորդ, հայոց լեզուն ու պատմությունը մեզ համար շատ կարևոր են, բայց մենք չենք կարող վերոհիշյալ կազմակերպությունների աշխատանքը կազմալուծել և բոլորին քշել հանրահավաքի: Բա որ այդ ժամանակ մի 10 հոգով մտնեն «Վալեմ» ու խաշ պատվիրեն, ի՞նչ ենք անելու, կարող ա մարդամեկից պիցցա աջակցություն խնդրենք:
- Ասում են, որ դաշնակցությունից անդամների մեծ թվով արտահոսք կա:
- Մենք հիմա օպտիմալացնում ենք մեր աշխատանքը, տարեկան մի քանի անգամ դրոշ վառելու համար իմաստ չունի այդքան մարդ պահել: