ՀՅԴ ներկայացուցիչ Հրանտ Մարգարյանը հայտարարել է. «Եթե չի կարողանում հեռանալ, ուրեմն պետք է հեռացնել Փաշինյանին»:
«ՉԻ». Իշխան Սաղաթելյանը հայտարարում է ջոկատներ ստեղծելու մասին: Բագրատ Եսայանը հայտարարում է, որ եթե Նիկոլը չգնա, «էն բանից են անելու»: Հրանտ Մարգարյանն էլ հայտարարում է, թե որպես վերջին «վարիանտ», Նիկոլին պետք է հեռացնել:
Հաստա՞տ 2020 թիվն է հիմա: Այնպիսի տպավորություն է, թե հետ ենք գնացել 1990-ականներ, երբ նույն այս դաշնակները ջոկատներ ստեղծելով, այն ժամանակվա իշխանությունների դեմ զինված գործողություններ էին պլանավորում: Մեկը մեկին նույն խոսքերն ու գործելաոճն է:
Բայց այն ժամանակ դաշնակների այդ ռոմանտիկ գործողությունները կանխվեցին, ՀՅԴ-ն փակվեց, երկիրը մի չորս տարի հանդարտվեց:
Իմիջիայլոց, դաշնակների զինված ջոկատների ու ահաբեկիչների ծրագրերը խափանողների թվում հատուկ ծառայությունների ղեկավարներ Դավիթ Շահնազարյանն ու Սերժ Սարգսյանն էին, որոնք այսօր նույն դաշնակների հետ մի հարթակում են կանգնած: