«Այսօր ասում են՝ կարո՞ղ էիք կանխել պատերազմը: Կարող էինք կանխել պատերազմը, որի արդյունքում կունենայինք նույն այս վիճակը, իհարկե, առանց զոհերի»,- ՀՀ վարչապետ Նիկոլ Փաշինյան, 13.04.2022թ.:
«ՉԻ». Սա մենք պատահական չենք դնում մեր բլթոցների շտեմարանում: Որովհետև նախորդ բլթոցների հեղինակները, մտավորական կոչեցյալները 20 տարի, չէ` քառորդ դար շարունակ, հանրությանը հենց սա են հրամցրել. որ արյունով նվաճած հողը հանձնել չի կարելի, որ ոչ մի թիզ, հարատև կռիվ, մահ կամ ազատություն: Եթե զիջում ենք, ապա միայն զոհերով: Ընդհանրապես, ինչ որ անում ենք, պետք է զոհերով լինի: Էս նույն մարդիկ էին ասում, որ Հայաստանը անկախություն չի նվաճել, քանի որ զոհեր չի տվել:
Եվ քանի որ Նիկոլն էլ է «Երկրի հակառակ կողմը» գիրք գրել, լրիվ վաստակել է այս մտավորական կոչեցյալների պատվավոր խմբում լինելու իրավունքը: