«Իսկ եթե լուրջ, ապա ամոթ է, որ երկու տարվա ընթացքում այս իշխանության կայացրած միակ «ինստիտուտը» զրպարտություն, ատելություն տարածող յութուբյան ալիքներն ու ֆեյքային «բանակներն» են, որոնք կենաց-մահու կռիվ են տալիս սոցցանցում՝ անիծելով ու հայհոյելով ընդդիմախոսներին։ Էսպես ո՞ւր եք հասնելու»։
Գրառման հեղինակը ԱԺ աշխատակազմի ղեկավարի նախկին տեղակալ Արսեն Բաբայանն է:
«ՉԻ». Ամենազավեշտալին այն է, որ ռևանշիստների մամուլն այս անձնավորությանը ներկայացնում է իբրև իրավապաշտպանի: Մինչդեռ նա ներկայումս ունի մեղադրյալի կարգավիճակ և առաջիկա դատավարության ժամանակ կպարզվի, թե ում հրահանգով էր պաշտոնական փաստաթղթեր կեղծում, որպեսզի Հրայր Թովմասյանը դառնա ՍԴ հավերժ նախագահ:
Երիտասարդը, որ ԱԺ աշխատակազմի ղեկավարի տեղակալի պաշտոնում պաշտոնավարելու տարիներին աչքի ընկավ նրանով, որ հետապնդում էր լրագրողներին, որպեսզի նրանք անգամ զուգարանում չհանեն բեյջը, հիմա աննշան և անէական խախտում է որակում պաշտոնական փաստաթղթի ամսաթվի կեղծումը:
Դժվար է ասել, Արսեն Բաբայանը նման գրառումներով իրե՞ն է հույս տալիս, թե նախկին շեֆերին, բայց հիշեցնենք, որ հեղափոխությունից առաջ էլ էր ծաղրում ընդդիմության և ժողովրդի պոտենցիալն ու հավաստիացնում, որ ոչինչ էլ չի փոխվելու:
Իհարկե, նպատակահարմար է ֆեյսբուքյան հայհոյանքները և անեծքները վերագրել իշխանությանը, բայց Արսեն Բաբայանը և թիմակիցները պետք է մի օր խիզախություն դրսևորեն ու հասկանան՝ ներկայումս իրենք ընդամենը առերեսվում են իրենց 20 տարվա ապիկար գործունեության ժողովրդական ընկալումների և գնահատականների հետ: