ՀՀ վարչապետ Նիկոլ Փաշինյանն այսօր հայտարարել է, որ մինչև 2050 թվականի ռազմավարության մեջ «խնդիր ենք դրել, որ ՀՀ ֆուտբոլի հավաքականը դառնա ֆուտբոլի Եվրոպայի կամ աշխարհի առաջնության մրցանակակիր, որն իրագործելի ծրագիր է» և բերել է Մարոկկոյի ֆուտբոլի հավաքականի օրինակը:
«ՉԻ». Հա, այ հիմա հասկացանք, թե ինչու էր Աննա Հակոբյանը Ֆրանսիա-Մարոկկո խաղի դրվագներով կիսվել ինստագրամի իր էջում:
Ոչ թե վեջը չի, թե ինչ վիճակում է Արցախը, ոչ թե թքած ունի արցախցիների տառապանքների վրա և այլն, այլ պարզապես մինչև 2050 թվականի ֆուտբոլային ռազմավարությունն է ուսումնասիրում և դրա արդյունքները ներկայացնում հանրությանը:
Ցույց է տալիս, թե Մարոկկոն ոնց է հասել կիսաեզրափակիչ, մարոկացիների օրինակն է աշխատում մեր մեջ սերմանել, իսկ մենք անֆայմ մեռնում ենք. եսիմինչեր ենք գրում:
Մեզ մենակ մի բան է այս ռազմավարության մեջ մտահոգում. որ Հայաստանի հավաքականի առաջիկա խաղերին մի խումբ բնապահպաններ հանկարծ չարգելափակեն տուգանային հրապարակը, իբր թե խոտածածկը փչացնում ենք: