Հինգշաբթի 17.06.2021 12:59

30.05.2021   17:00
1101

Ձեզ պատեպատ մի՛ տվեք. Լևոն Տեր-Պետրոսյանը ճիշտ է


40 անց «կարդացած» տղաների մի խումբ (Հ. Տեր-Աբրահամյան, Հ. Բադալյան) Ն. Փաշինյանին արդարացնելու համար իրեն պատեպատ է զարկում, սոցցանցերն ու մամուլը ողողում «աննախադեպ» գաղափարներով: Սրանց պնդումներն օրինաչափ ոգևորությամբ տարածում են քոչարյանականներն ու նիկոլականները: Ոչմիթիզականների նախանձելի միասնություն է՝ ընդդեմ Լ. Տեր-Պետրոսյանի, ընդդեմ բանականության: Եվ հիմա ես հասկանում, թե որքան ճիշտ էր Գալուստ Սահակյանը, երբ ասում էր. «Երեխաները պարտավոր են մեծանալ»: Այս երեխաները չեն մեծացել, չեն հասունացել, բայց դե փող են աշխատում՝ իրենց անհաս պնդումները հասարակության գլխին փաթաթելով:

Եվ այսպես, 40, 50, 60 անց տղաները պնդում են, որ մենք աշխարհաքաղաքական խաղի զոհ ենք դարձել, որ մեղավոր են Ռուսաստանը, ՀԱՊԿ-ը, Թուրքիան, էլ չգիտես ով, իսկ Նիկոլ Փաշինյանն անմեղ է, որովհետև Լևոն Տեր-Պետրոսյանի խաղաղության ծրագիրն էն գլխից սխալ էր: Այսինքն՝ մենք՝ փոխզիջումներով խաղաղության հասնելու կողմնակիցներս, չէինք հասկացել, որ «Պատերազմը Ղարաբաղի պատերազմ չէր, ու հարցը Ղարաբաղի հարց չէր, այլ Հայաստանի» (Հրանտ Տեր-Աբրահամյան, ֆբ, 27.05.2021թ.): Հետևաբար, Նիկոլը ճիշտ էր, երբ հրաժարվեց բանակցություններից և ի լուր աշխարհի գոչեց՝ Արցախը Հայաստան է, և վերջ: Գոչեց և տվեց պատերազմի մեկնարկը...

Սույն պնդման հիմնական նպատակը պատերազմն արդարացնելն է և դրանում մեղավորներ փնտրելը: Ընդ որում, սլաքն ուղղված է Ռուսաստանի դեմ: Այսինքն՝ ՀՀ նախկին բոլոր իշխանությունների ռուսական կողմնորոշումն էր սխալ, և մեզ պետք էր ինտեգրվել ռազմաքաղաքական այլ դաշինքի: Բայց դե Ռուսաստանը չէր թողնում: Պետք էր խոսել Թուրքիայի հետ, ու էլի ոմանք չէին թողնում: Ուրեմն ի՞նչ է ստացվում: Ստացվում է, որ Նիկոլ Փաշինյանն անմեղ է: Ստացվում է, որ Լևոն Տեր-Պետրոսյանը սխալ էր, երբ ուզում էր հարցը խաղաղ կարգավորել: Խաղաղ կարգավորման դեպքում Հայաստանը կամրապնդվեր որպես պետություն, Արցախը կմնար հայկական: Բայց դե Լևոնը սխալ էր: Մի՛ չարչարվեք, տրամաբանություն չկա:

Որովհետև մենք շատ լավ հասկանում ենք, որ 1997-98թթ. խաղաղության ծրագիրն այլընտրանք չուներ, որ 2017-ին, կրկնելով խաղաղության գաղափարը, Լևոն Տեր-Պետրոսյանը փորձում էր կանխել պատերազմը, հետևաբար՝ հայկական պետականության կորուստը: Սակայն դուք և ձեր պաշտպանյալը՝ Նիկոլ Փաշինյանը, բոլորովին այլ կողմում էիք: Դուք դարձել էիք ոչմիթիզականների կցորդը, որովհետև Նիկոլը պետք է հայտնվեր ԱԺ-ում: Դուք շարունակում եք հակառուսականության քարոզը, մինչ ձեր պաշտպանյալը Սյունիքում հող է նվիրում ռուսներին:

Ռազմավարական դաշնակցի հարցում ձեր մեղադրանքներն անդադար կարող եք կրկնել. դրանից ոչինչ չի փոխվում: ՆԱՏՕ-ն տռճիկ տալով հայերիս իր գիրկը չի առնում: Ավելին՝ Արցախյան խնդրի հարցում Արևմուտքի և Ռուսաստանի դիրքորոշումը միասնական էր՝ Արցախից դուրս եղած շրջանները պետք է վերադարձվեին Ադրբեջանին: Թուրքիան ՆԱՏՕ-ի կարևոր անդամներից է և մեր անմիջական հարևանը: Արևմուտքը Թուրքիայի շահերը հանուն մեզ չի զիջի: Ռուս-թուրքական մերձեցումը կարելի էր կանխատեսել, մանավանդ այն պարագայում, երբ հենց մեր ոչմիթիզական կառավարիչներն էին նվազեցրել հայկական գործոնը: Նիկոլ Փաշինյանը չեզոքացրեց այն:

Ուստի պատերազմի և պարտության, Հայաստանի ինքնիշխանության կորստի մեղքը մեզնից դուրս փնտրողներն իրականում զրոյացնում, ոչնչացնում են հայկական գործոնը: Իսկ Լևոն Տեր-Պետրոսյանը երեկ էլ, այսօր էլ փորձում է փրկել հայկական պետականությունը: 

Զարուհի Գաբրիելյան



 Պիտակներ

         Հակոբ Բադալյան, Հրանտ Տէր-Աբրահամեան, Լևոն Տեր-Պետրոսյան, Զարուհի Գաբրիելյան, Նիկոլ Փաշինյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


























Գործակալ 00
Գործակալ 00
01.01.2020 / 22718


Խոսող ձուկը
Խոսող ձուկը
10.11.2019 / 22197


Պեսիմիստական
Պեսիմիստական
08.03.2020 / 21042


Բոլոլա շաբաթ
Բոլոլա շաբաթ
28.09.2019 / 20523





Բա
Բա
20.11.2020 / 19260



Գործակալ 00
Գործակալ 00
01.01.2020 / 18547





Գործակալ 00
Գործակալ 00
01.01.2020 / 17334

The Tashir spider web
The Tashir spider web
09.12.2019 / 17192