Արմեն Աշոտյանը հայտարարել է, թե «Արարատ Միրզոյանին սպանելու փորձ կատարած անձը Նիկոլ Փաշինյանն է», իսկ «Արարատին ԱԳ նախարար նշանակելը, մեկ միլիոն դոլարանոց վարկը Գռզոյի բանկից և այլն նրա լռության գինն է»։
Եթե պրն Աշոտյանը ճիշտ է ասում, ապա Արարատ Միրզոյանը, անկասկած, բացառիկ բիզնես-ջիղ ունի․ ընդամենը «մի քանի մուշտի»-ի դիմաց և՛ նախարարի պաշտոն է ստացել, և՛ մեկ միլիոն դոլար։ Բայց այդ դեպքում ստացվում է, որ նրա դեմ մահափորձ իրականացրածների մեղադրանքի հոդվածը պիտի փոխվի։ Նրանք պիտի մեղադրվեն «հանձնարարված գործն ավարտին չհասցնելու և անզգուշությամբ մեկ միլիոն դոլարին համարժեք դրամական միջոցների վատնման» մեջ։ Իսկ եթե պրն Աշոտյանը զրպարտում է, նրան պետք է մի լավ ծեծել։ Հաստատ պրն Միրզոյանից լավ արտգործնախարար կլինի։