Երկուշաբթի 28.09.2020 18:45

Սատիրիկոն/Լուր-մեկնաբանություն
28.09.2020 / 17:30
Սատիրիկոն/Լուր-մեկնաբանություն
28.09.2020 / 16:00
Սատիրիկոն/Լուր-մեկնաբանություն
28.09.2020 / 14:30
Քաղաքական
28.09.2020 / 13:00
15.09.2020   14:55
425

Եթե չեն կորցրել իրականության զգացումը, ապա պետք է մերժեն


Արդեն մեկ շաբաթ է, ինչ հետխորհրդային տարածքում մեծ իրարանցում է առաջացրել ուկրաինացի հայտնի լրագրող Դմիտրի Գորդոնի հարցազրույցը նախագահ Զելինսկու օֆիսի նախկին ղեկավար Անտոն Բոգդանի հետ: Ի թիվս այլ ուշագրավ բացահայտումների՝ Բոգդանը մանրամասնորեն պատմում է, թե ինչպես են նշանակում այս կամ այն պաշտոնյային: Ինչպես են Զելինսկու մտերիմները, պետական աշխատանքի փորձ չունենալով, լոբբինգ անում և վերջապես հաջողացնում կարևորագույն պաշտոններում նշանակել իրենց մարդկանց, որոնք որևէ ցանկություն չունեն իրականացնելու Զելինսկու՝ երկիրը բարեփոխելու կուրսը:

Այդ հարցազրույցը դիտելուց հետո ավելի պարզ է դառնում, թե ինչպես են Խունդկարյանը, Վաղարշյանը և Շաթիրյանը դարձել ՍԴ դատավորի թեկնածու:

Ամենայն հավանականությամբ Ալեն Սիմոնյանը Նիկոլ Փաշինյանին հերթական անգամ համոզել է, որ խելքը գլխին թեկնածուներ է գտել, որոնք կլրացնեն ՍԴ դատավորների թափուր տեղերը: Իսկ համոզել է մոտավորապես այսպիսի խոսքերով. «Շե՛ֆ, կարգին տղերք են, հարյուր տարի է համալսարանից եմ ճանաչում: Միշտ ինչ հարցով դիմել եմ՝ ընդառաջել են: Խոսել եմ հետները, ասում են, որ միշտ էլ դեմ են եղել Սերժին, պարզապես ձեռները ոչինչ չի եղել, տուն-տեղ, հազար ու մի խնդիր են ունեցել: Բայց հիմա պատրաստակամ են մեր հետ աշխատելու»: Եվ քանի որ Ալեն Սիմոնյանը չպատժվեց Վանեցյանին առաջին պլան բերելու համար, լրիվ նորմալ է, որ շարունակի կադրեր մատակարարել իշխանության համար:

Ինչո՞ւ կենտրոնացանք հենց Ալեն Սիմոնյանի վրա: Շատ պարզ պատճառով. որովհետև հենց նա իր թևերը փռեց թեկնածուների վրա՝ ունենալով այնպիսի ելույթ, որին կնախանձեին անգամ Շարմազանովը և Աշոտյանը:

Դեմագոգիայի այդքան դոզա սովորաբար նրանք էին իրենց թույլ տալիս հանրապետականի աբսոլյուտ իշխանության տարիներին: Իր ելույթում Սիմոնյանը այնպես հեգնեց հեղափոխությանը, որ ռևանշիստները հաստատ բացականչած կլինեն՝ свой человек:

Իհարկե, չի գտնվի մեկը, որը կհավատա, թե իշխանություններն այս թեկնածուներին առաջադրել են հանուն համերաշխության: Եթե գտնվի նման մեկը, ապա հաջորդիվ պետք է իշխանությանը կասկածի անմեղսունակության մեջ, քանի որ անցած երկուսուկես տարիները ցույց տվեցին, որ չի կարող լինել համերաշխություն նախկին հանցագործ իշխանության և հասարակության միջև: Համերաշխություն կարող է լինել նախկին հանցագործ իշխանության և բարեփոխման իմիտացիայով զբաղվող իշխանության միջև:

Եթե իշխանությունը վերջնականապես չի կորցրել իրականության զգացումը, ապա պետք է մերժի 3 թեկնածուներից նվազագույնը երկուսին, և նրանց թվում անպայման պետք է լինի Խունդկարյանը: Հակառակ պարագայում պայմանավորվածությունների մասին դավադրության տեսությունը օբյեկտիվորեն միս ու արյուն կստանա:

Արիս Վաղարշակյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         ՍԴ, Ալեն Սիմոնյան, Արիս Վաղարշակյան


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
















Մալադե´ց, աներ
Մալադե´ց, աներ
11.09.2020 / 1525






















Վազիր դատարան
Վազիր դատարան
23.09.2020 / 876