24.06.2020   11:00
670

Մի քանի ժամից պարզ կդառնա, թե որ ճանապարհը նախընտրեց Մարուքյանը


Որքան էլ քննադատենք և դժգոհենք Հրայր Թովմասյանի և կոմպանիայի գործնեությունից, մեկ փաստ անպայման պետք է արձանագրել. ՍԴ դեռ գործող նախագահը և հեռացող անդամները իրենց հապճեպ ու չմտածված քայլերով նպաստում են քաղաքական դաշտի բյուրեղացմանը:

Քաղաքական շրջանակները վաղուց գիտեին, որ Սահմանադրական դատարանի շուրջ վեճը դա կռիվ է՝ արդյոք Քոչարյանը կխուսափի արդարադատությունից, թե ոչ: Բայց դա ցանկալի չէր խոստովանել ոչ իշխանությունների համար և ոչ էլ նրանց համար, ովքեր փորձում էին փրկել դատարանի այս կազմը:

Իրավիճակը փոխվեց երկու օր առաջ, երբ խորհրդարանական քննարկումներին զուգահեռ, Սահմանադրական դատարանը շտապ հավաք անցկացրեց և հայտարարեց, որ վերսկսում է Քոչարյանի փաստաբանների ներկայացրած հայցի քննարկումը և դատական նիստի օր նշանակեց հուլիսի 7-ը: Այդ պահից բոլորին պարզ դարձավ՝ Թովմասյանը և մնացածը ունեն ընդամենը մեկ առաքելություն՝ փորձել փրկել Քոչարյանին:

Իրավիճակը ստիպեց բոլոր խուսանավողներին վերջնականապես դիրքավորվել: Նախագահ Արմեն Սարգսյանը հեղափոխությունից հետո արեց իր ամենակարևոր քայլը: Ստորագրելով օրենքը՝ նա վերջնականապես բացահայտեց, թե որ ճամբարն է իրեն ավելի մոտ: Հաշվի առնելով Սարգսյանի կապերը՝ պետք է հասկանալ, թե այս օրերին նրա վրա ինչ ճնշումներ են եղել: Քոչարյանի համար գրավ վճարող ռուսահայ օլիգարխները հնարավոր չէ ուղիղ դիմած չլինեն նախագահ Սարգսյանին՝ իրենց ընկերոջ ազատության խնդրին չխոչընդոտելու խնդրանքով: Այդ օրենքը ստորագրելով՝ նախագահ Սարգսյանը համալրեց նաև Քոչարյանի անձնական թշնամիների ցանկը:

Հիմա «Լուսավոր Հայաստանի» դիրքավորման հերթն է: Եթե միանում է ԲՀԿ-ի ստորագրահավաքին, ապա վերջնականապես կոտրում է միֆը, թե իրենք նոր ուժ են և չեն սպասարկում նախկինների օրակարգը: Ավելին, իրենց կապում են մեկի հետ, որն ավելի վատ համբավ ունի հասարակության մեջ, քան անգամ Սերժ Սարգսյանը և Միքայել Մինասյանը: Առանց չափազանցության դա ճակատագրական կլինի «Լուսավոր Հայաստանի» համար: Էդմոն Մարուքյանը ոչ ավելի խելացի է Արթուր Բաղդասարյանից, ոչ ավելի պոպուլիստ և ոչ էլ ավելի լավ հռետոր: Ուստի «Լուսավորի» օեկացումը կլինի օրերի խնդիր:

«Լուսավոր Հայաստանը» կունենա էլ ավելի քիչ փաստարկ արդարանալու, քան ՕԵԿ-ը՝ հաշվի առնելով, որ 2008 թվականի ձմռանը Արթուր Բաղդասարյանի վրա անհամեմատ ավելի լուրջ ներգործության միջոցներ են կիրառել, քան հիմա ունեն Քոչարյանը և Սարգսյանը իրենց արսենալում:

Հակառակ դրան, եթե «Լուսավոր Հայաստանը» չմիանա ԲՀԿ-ին, կարող է բավականին շահեկան վիճակում հայտնվել՝ դիրքավորվելով իբրև առողջ ընդդիմություն, որ կապ չունի նախկինների հետ: Մի քանի ժամից պարզ կդառնա, թե որ ճանապարհը նախընտրեց Էդմոն Մարուքյանը:

Արիս  Վաղարշակյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         ԲՀԿ, Հրայր Թովմասյան, Արիս Վաղարշակյան, Արմեն Սարգսյան, ՍԴ, «Լուսավոր Հայաստան»


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


Տիկին կոշկակարը






























Ստոպ-կադր
Ստոպ-կադր
04.07.2020 / 277







«ՉԻ» ռիթմով
«ՉԻ» ռիթմով
04.07.2020 / 167




В ритме «ЧИ»
В ритме «ЧИ»
04.07.2020 / 77