«Եթե նախկինները չմասնակցեն ընտրություններին, ապա մենք կհաղթենք ներկաներին»:
Հայտարարության հեղինակը Էդմոն Մարուքյանն է:
«ՉԻ». Եթե նախկիններն ու ներկաները, ինչպես նաև Մարուքյանը չմասնակցեն ընտրություններին, ապա ամենայն հավանականությամբ կհաղթի Շիրինյանը: Եթե նա էլ չմասնակցի, ապա կհաղթի Դոգը: Եթե ինչ-ինչ պատճառներով նա էլ հրաժարվի ընտրապայքարից, ապա շատ մեծ են մեր բակի Տապոռ Վաղոյի շանսերը:
Եթե մարդիկ քվեարկելու են ընդդեմ նախկինների, որպեսզի նրանք չվերադառնան, ապա այստեղ ավելի շատ շանսեր ունեն մնացած ուժերը, որոնք չեն ասոցացվում նախկինների ու ներկաների հետ:
Պարզապես պետք է հասարակությանը համոզել, որ իսկապես կապ չունես նախկինների հետ: Եվ երկրորդ՝ ներկաները առանձնապես բան չեն արել, որ նախկինները չվերադառնան, այնպես որ՝ նրանց օգտին քվեարկելու պատճառ չկա:
Ուրիշ հարց, որ հասարակությունը այնքան էլ միամիտ չէ ու լավ գիտի նախկին առաջին փեսայի և որոշ լուսավոր ուժերի ստվերային կապերի մասին: