«Ռուսաստանի հայերի միության» նախագահ Արա Աբրահամյանն ասել է. «Ես Ռուսաստանում ապրում եմ, Ռուսաստանն իմ հայրենիքն է: Հայաստանն իմ ծննդավայրն է, էլի իմ հայրենիքն է, բայց Ռուսաստանն ավելի հարազատ է»:
«ՉԻ». Իսկ կարո՞ղ է Ճապոնիան ու Տանզանիան էլ են Արա Աբրահամյանին ավելի հարազատ, քան Հայաստանը: Ի՞նչ իմանաս: Մարդը հայրենիքների հարցում մի քիչ խառնվել է, լավ չի ջոկում:
Ձեզ ավելին ասենք՝ Ռուսաստանն Արա Աբրահամյանի համար ավելի հայրենիքոտ է, բայց ընտրությունների ժամանակ Հայաստանն է նրա համար դառնում հայրենիք: Սաղ կյանքը Ռուսաստանում է ապրում, դե, հայրենիք տեղ է, ինչքան չլինի, բայց հենց Հայաստանում ընտրություններ են լինում, ասում է՝ սպասեք, էս մասով ես հայրենիք ունեմ, բայց մենակ ընտրությունների ժամանակ, հանկարծ ուրիշ բան չմտածեք:
Չնայած, ռուսներն էլ առանձնապես ոգևորված չեն նման քաղաքացի ունենալով, մինչև հիմա ռուսերեն խոսել չգիտի: