Ինքն ու Էդմոն Մարուքյանը որոշում են գոլֆ խաղալ: Պահի տակ ինքն այնպես է խփում, որ գնդակը թռնում ու ջարդում է դիմացի տան լուսամուտը: Հակառակի պես այդ տանը մոլի նիկոլական է բնակվում: Դե բայց ճար չկա, մեկ ա, բռնելու է՝ փռի ասֆալտին, ավելի լավ է գնան, մի ձև լեզու գտնեն հետը:
Մտնում են տուն, տեսնում են լուսամուտի ապակին կոտրված, գետնին մի վազ ջարդուփշուր եղած, բազկաթոռին էլ կիսամերկ նստած է իշխանության կողմնակիցը:
- Ընկեր ջան, ներող կլինես, միամիտ եղավ,- ասում է Մարուքյանը:
- Բան չկա, սաղ նորմալ ա: Տեսնո՞ւմ ես ջարդված վազը:
- Հա:
- Ես Ջինն եմ, կկատարեմ քո ուզած երկու ցանկությունը, դու իմ՝ մեկը:
- Խնդիր չկա:
- Դե ուրեմն ասա ցանկությունդ:
- Առաջինը ուզում եմ, որ բոլոր տեղերից ջնջվի և այլևս չվերականգնվի էն հայտնի տեսանյութը, որ ասում եմ՝ կա երրորդ ճանապարհ: Երկրորդը ուզում եմ, որ ջնջվի Գեորգիսյանի տեսանյութը, որտեղ նա թաշկինակով փակում է քիթը:
- Հարց չկա, իմացի արդեն կատարված է: Հիմա իմ հերթն է: Պետք է երեսուն անգամ կտտացնեմ Գեորգիսյանի գլխին:
Մարուքյանը քցում-բռնում է, մտածում, որ քաղաքական դիվիդենտներն ավելի կարևոր են, իսկ Գևորգը մի երկու օր գլուխը կկապի, կանցնի:
«Ջին» հարևանը լավ կտտացնում է իր գլխին և վերջում հարցնում՝ քանի՞ տարեկան է Էդմոնը:
- Մոտ 40,- պատասխանում է ինքը:
- Մեծ տղա է, բայց դեռ հավատում է ջիների գոյությանը:
Արթնանում է Կամազի սիգնալից: