Քաղաքագետ Հայկ Մարտիրոսյանը ֆեյսբուքի իր էջում գրել է. «Պատկերացրե´ք ԱՄՆ նախագահին` Բեն Լադենի հետ Ցյուրիխում բանակցելիս:
Պատկերացրե´ք Իրաքի վարչապետին` ԻՊ առաջնորդ Ալ Բաղդադիի հետ Ստոկհոլմում բանակցելիս:
Պատկերացրե´ք Չերչիլին` Հիտլերի հետ Կոպենհագենում բանակցելիս:
Պատկերացրե´ք Արամ Մանուկյանին` Թալեաթ Փաշայի հետ Փարիզում բանակցելիս:
Դե հիմա պատկերացրեք վաղվա բանակցությունները.
Փաշինյան - Ալիև:
Մոսկվա:
Պատկերացրեցի՞ք»:
«ՉԻ». Լավ, որքան կարելի է ֆեյսբուքյան լայքերի համար ոչ միայն կտրվել իրականությունից, այլ նաև այս ճակատագրական պահերին փորձել հասարակությանը ենթարկել մանիպուլյացիաների:
Այն տպավորությունն է, թե հայկական կողմը Մինգեչաուրի մատույցներում է, իսկ կառավարությունը փորձում է շանս տալ Ալիևին:
Արամ Մանուկյանի օրինակն ընդհանրապես անհասկանալի է: Այն կառավարությունը, որի անդամն էր նաև Մանուկյանը, Բաթումում բանակցություններ վարեց Թալեաթի կառավարության հետ:
Պատմական ապացուցված փաստ է՝ Չերչիլի կառավարությունը գաղտնի բանակցություններ է վարել Հիտլերի ներկայացուցիչների հետ: Այն, որ դրանք չեն ավարտվել հաջողությամբ, լրիվ ուրիշ կինոյից է:
Հայաստանի և Ամերիկայի ներուժի մասին համեմատականներ տանելուց առաջ ընդհանրապես ճիշտ կլինի ջերմությունը ստուգել:
Մի խոսքով, նստում ես համակարգչի առջև, մի փոքր ուսումնասիրում քարտեզը և իրականությունից կտրված հասարակության մոտ ստեղծում պատրանքներ և ձեռք բերում էժան դիվիդենտներ: