Որպեսզի այս ուտեստի համար նախատեսված պանիրը քերելը հեշտ լինի, այն նախապես կես ժամով տեղադրեք սառցախցիկում: Եթե պարմեզան եք օգտագործելու, այն նախօրոք սառեցնել պետք չէ, քանի որ պանրի այդ տեսակը հեշտ է քերվում:
Բաղադրիչները
4 բաժնի համար
- 300 գ. ծաղկակաղամբ
- 2 հատ եփած կարտոֆիլ
- 1 հատ գազար
- 1 գլուխ սոխ
- 1 հատ լոլիկ
- 2 ճ.գ. բուսական յուղ
- 1/2 բաժակ թթվասեր
- 50 գ քերած պանիր
- աղացած սև պղպեղ
- աղ
Պատրաստման եղանակը
- Գազարը բարակ տաշեղների ձևով կտրատեք: Սոխը փոքր քառակուսիների ձևով կտրատեք:
- Կարտոֆիլն ու լոլիկը կտրատեք:
- Ծաղկակաղամբը մասնատեք, եփեք մինչև պատրաստ լինելը:
- Բանջարեղենը շարեք յուղով պատված տապակի մեջ, աղ ու պղպեղ արեք, 4-5 ճ.գ. ջուր ու յուղ լցրեք վրան: 20 րոպե տեղադրեք ջեռոցում:
- Ուտեստը հանեք ջեռոցից, վրան թթվասեր լցրեք, լցրեք նաև քերած պանիրը ու կրկին տեղադրեք ջեռոցում մինչև պանրի հալչելը:
- Մատուցելիս կարելի է ձևավորել կանաչիով: